Ақтөбе облысы Байғанин аудандық сотының 2010 жылғы 16 қыркүйектегі № 1-59 Қаулысы

Ақтөбе облысы Байғанин аудандық сотының 2010 жылғы 16 қыркүйектегі № 1-59 Қаулысы

Ақтөбе облысы Байғанин аудандық сот құрамында, төрағалық етуші аудандық соттың төрағасы Е.С.Мұратқанов болып, хатшылыққа К.Жақасовты ала отырып, мемлекеттік айыптаушы Байғанин аудандық прокуроры А.Қ.Пошатаевтің, қорғаушы Ақтобе облыстық адвокаттар алқасының мүшесі Е.Тукеевтің, сотталушы Ж.О.Дүйсеғалиевтің, жәбірленуші С.А.Булановтың қатынасуларымен, өзінің ашық сот мәжілісінде, соттын мәжіліс залында, ҚР ҚК-нің 257 бабының 1 бөлігімен айыпталып сотқа берілген Дүйсенгалиев Жанабай Онгаровичтің қылмыстық ісін басты сот талқылауында қарап, соттың АНЫҚТАҒАНЫ:

Сотталушы Дүйсенгалиев Жанабай Онгарович, 2010 жылдың тамыз айының 03 - күні жергілікті уақытпен 16 сағат 30 минут шамасында, Байғанин ауданы Жарқамыс селосын Буланов Сергей Аскановичтің үйінің ауласында бұзақылық ниетпенен болмашы нәрсені сылтау етіп азаматтардың көзінше жұдырығымен Булановты ұрып жеңіл жарақат келтірді деп Қазақстан Республикасының ҚК-нің 257 -ші бабының 1-ші бөлігімен айыпталып сотқа берген.

Жәбірленуші Буланов Сергей Асканович сот мәжілісінде сотталушы Дүйсенгалиев Жанабай Онгаровичке еш талабы жоқ екендігін, оған қылмыстан келген материалдық және рухани залал есесі толтырылды деп қылмыстық істі өндірістен қысқартуды, сотталушыны қылмыстық жауаптылықтан босатуды сұрап, талап тілек қойды.

Сотталушы Ж.О.Дүйсенгалиев сот мәжілісінде өзіне тағылған айыпты толығымен мойындап, қылмыстық істі ақталмайтын негіздер бойынша қысқартуға келісім берді.