Бишкек шаарынын миграция жана калкты ишке орноштуруу саясаты программасын
2006-жылда натыйжалуу ишке ашыруу чаралары жөнүндө
Кыргыз Республикасынын Бишкек шаарынын мэриясынын 2006-жылдын 25-майындагы № 381 токтому
«2010-жылга чейин Кыргыз Республикасынын калкты иш менен камсыз кылуу боюнча улуттук саясатын» ошондой эле «2005-2010 жылдары Бишкек шаарынын калкын ишке орноштурууга көмөктөшүү» шаардык программасын натыйжалуу жана сапаттуу ишке ашыруу максатында, Кыргыз Республикасынын Президентинин администрациясынын 2005-жылдын 30-ноябрындагы № 4 коллегиясынын жана мэриянын 2006-жылдын 27-январындагы № 1 пк. коллегиясынын чечими менен коюлган талаптарын аткаруу үчүн токтом кылам:
1. 2006-жылга Бишкек шаарынын калкын ишке орноштурууга көмөктөшүү» шаардык программаны аткаруу боюнча иш чара планын бекитүү (тиркеме № 1).
2. Райондук администрация башчылары (Байло, Исаев, Акамбаев, Рахманов), Шаардык миграция жана жумуштуулук боюнча комитети (Эрежепов) «2006-жылга Бишкек шаарынын калкын ишке орноштурууга көмөктөшүү» шаардык программаны аткаруу боюнча ишчаралар планын ишке ашырууну камсыз кылсын.
3. Шаардык каржы башкармасы (Нишанов) каржылоо үчүн каражат бөлүп берсин:
- акы төлөнүүчү коомдук жумушка 600,0 миң сом суммасын;
- ишке орноштуруу көчмө кызматына жана Эмгек биржасына 146,1 миң сом суммасын;
- жумушсуз жарандарга чакан кредит берүү боюнча микрокредиттик агенттигине 2,0 млн. сом суммасын;
