Қазақстан Республикасының Индустрия және сауда министрінің 2009 жылғы 21 тамыздағы № 228 бұйрығына
өзгеріс пен толықтырулар енгізу туралы
Қазақстан Республикасы Индустрия және жаңа технологиялар бірінші вице-министрінің
2010 жылғы 15 желтоқсандағы № 437 бұйрығы
«Қазақстан Республикасы Президентінің актілері мен тапсырмаларының жобаларын дайындау, келісу, қол қоюға ұсыну, Қазақстан Республикасы Президентінің актілері мен тапсырмаларының орындалуын бақылауды жүзеге асыру және Қазақстан Республикасы Президентінің нормативтік құқықтық жарлықтарына мониторинг жүргізу ережесін бекіту туралы» Қазақстан Республикасы Президентінің 2010 жылғы 27 сәуірдегі № 976 Жарлығын іске асыру мақсатында, БҰЙЫРАМЫН:
1. «Қазақстан Республикасының Индустрия және сауда министрлігінің регламентін бекіту туралы» Қазақстан Республикасы Индустрия және сауда министрінің 2009 жылғы 21 тамыздағы № 228 бұйрығына мынадай өзгеріс пен толықтырулар енгізілсін:
көрсетілген бұйрықпен бекітілген Қазақстан Республикасының Индустрия және сауда министрлігінің регламентінде:
мынадай мазмұндағы 6-1-бөліммен толықтырылсын:
«6-1. Құқықтық мониторинг жүргізу тәртібі
97-1. Құрылымдық бөлімшелер өз құзыреті шеңберінде мыналарға:
Қазақстан Республикасы Үкіметінің 2006 жылғы 25 тамыздағы № 817 қаулысымен бекітілген заңға тәуелді нормативтік құқықтық актілердің мониторинг ережесіне;
Қазақстан Республикасы Президентінің 2010 жылғы 27 сәуірдегі № 976 Жарлығымен бекітілген Қазақстан Республикасы Президентінің актілері мен тапсырмаларының жобаларын дайындау, келісу, қол қоюға ұсыну, Қазақстан Республикасы Президентінің актілері мен тапсырмаларының орындалуын бақылауды жүзеге асыру және Қазақстан Республикасы Президентінің нормативтік құқықтық жарлықтарына мониторинг жүргізу ережесіне сәйкес құқықтық мониторингті жүзеге асырады.
97-2. Құрылымдық бөлімшелердің құқықтық мониторинг жөніндегі қызметін үйлестіруді ҚҚЕД жүзеге асырады.
