ҚР Индустрия және инфрақұрылымдық даму министрінің 2019 жылғы 12 маусымдағы № 390 және ҚР Энергетика министрінің 2019 жылғы 14 маусымдағы № 220 бірлескен бұйрығымен күші жойылды
Қазақстан Республикасы
Құрылыс және тұрғын үй-
коммуналдық шаруашылық істері
агенттігі төрағасының
2010 жылғы 4 қарашадағы
№ 486 және
Қазақстан Республикасы
Қоршаған ортаны қорғау
министрінің м.а.
2010 жылғы 5 қарашадағы
№ 283-ө бірлескен бұйрығына
қосымша
«Жобалау-іздестіру қызметіне лицензиялар беру» мемлекеттік қызметтер көрсету
регламенті
1. Жалпы ережелер
1. Осы «Жобалау-іздестіру қызметіне лицензиялар беру» мемлекеттік қызметтер көрсету регламенті (бұдан әрі - Регламент) «Әкімшілік рәсімдер туралы» Қазақстан Республикасы Заңының 9-1-бабы 4-тармағына сәйкес әзірленді.
2. Жобалау-іздестіру қызметіне лицензиялар беру (бұдан әрі - мемлекеттік қызмет көрсету) - жеке немесе заңды тұлғаға (бұдан әрі - тұтынушылар) жобалау-іздестіру қызметімен айналысуға құқығын беру рәсімі.
3. Мемлекеттік қызмет Халыққа қызмет көрсету орталықтары (бұдан әрі - Орталық) және облыстар, Астана және Алматы қалалары әкімдіктерінің Мемлекеттік сәулет-құрылыс бақылау басқармалары (бұдан әрі - уәкілетті орган) арқылы көрсетіледі.
4. Көрсетілетін мемлекеттік қызметтің нысаны: автоматтандырылмаған.
5. Мемлекеттік қызмет «Лицензиялау туралы» Қазақстан Республикасының 2007 жылғы 11 қаңтардағы Заңының 33-бабы, «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасының 2001 жылғы 16 шілдедегі Заңының 32-бабы және «Мемлекеттік қызметтер көрсету стандарттарын бекіту және Қазақстан Республикасы Үкіметінің 2010 жылғы 20 шілдедегі № 745 қаулысына толықтырулар енгізу туралы» Қазақстан Республикасы Үкіметінің 2010 жылғы 7 қазандағы № 1036 қаулысының негізінде көрсетіледі.
6. Көрсетілетін мемлекеттік қызметтің нәтижесі жобалау-іздестіру қызметі жүзеге асыруға лицензия беру немесе қағаз жеткізгіштерде оны беруден дәлелді бас тарту болып табылады.
