ҚР Өңірлік даму министрлігі құрылыс және тұрғын үй-коммуналдық шаруашылық істері комитеті төрағасының 2013 жылғы 24 сәуірдегі № 48-нқ бұйрығымен күші жойылды
Қазақстан Республикасы
Құрылыс және тұрғын үй-коммуналдық
шаруашылық істері агенттігі төрағасының
2010 жылғы 4 қарашадағы № 484 бұйрығына
1-қосымша
«Жергілікті маңызы бар объектілер бойынша құрылыс-монтаж жұмыстарын
жүргізуге (құрылысты бастауға) рұқсат беру»
мемлекеттік қызметтер көрсету регламенті
1. Жалпы ережелер
1. Осы «Жергілікті маңызы бар объектілер бойынша құрылыс-монтаж жұмыстарын жүргізуге (құрылысты бастауға) рұқсат беру» мемлекеттік қызметтер көрсету регламенті (бұдан әрі - Регламент) «Әкімшілік рәсімдер туралы» Қазақстан Республикасы Заңының 9-1-бабы 4-тармағына сәйкес әзірленді.
2. Жергілікті маңызы бар объектілер бойынша құрылыс-монтаж жұмыстарын жүргізуге рұқсат беру (бұдан әрі - мемлекеттік қызмет көрсету) - өтініш берушіге жаңа объектілер салу және қолданыстағы объектілерді өзгерту бойынша оның ниетін іске асыруға құқық беретін құрылыс-монтаж жұмыстарын жүргізуге рұқсат беру рәсімі.
3. Мемлекеттік қызмет Халыққа қызмет көрсету орталықтары (бұдан әрі - Орталық) және облыстар, Астана және Алматы қалалары әкімдіктерінің Мемлекеттік сәулет-құрылыс бақылау басқармалары (бұдан әрі - уәкілетті орган) арқылы көрсетіледі.
4. Көрсетілетін мемлекеттік қызметтің нысаны: автоматтандырылмаған.
5. Мемлекеттік қызмет «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасының 2001 жылғы 16 шілдедегі Заңының 68-бабы 11-тармағы және «Мемлекеттік қызметтер көрсету стандарттарын бекіту және Қазақстан Республикасы Үкіметінің 2010 жылғы 20 шілдедегі № 745 қаулысына толықтырулар енгізу туралы» Қазақстан Республикасы Үкіметінің 2010 жылғы 7 қазандағы № 1036 қаулысының негізінде көрсетіледі.
