«Өнеркәсіптік қауіпсіздік саласындағы нормативтік актілерді бекіту туралы» Қазақстан Республикасы Төтенше жағдайлар министрінің 2008 жылғы 25 шілдедегі № 132 бұйрығы (2014.18.02. берілген өзгерістер мен толықтырулармен) (күші жойылды)

Өнеркәсіптік қауіпсіздік саласындағы нормативтік актілерді бекіту туралы
Қазақстан Республикасы Төтенше жағдайлар министрінің 2008 жылғы 25 шілдедегі № 132 бұйрығы

(2014.18.02. берілген өзгерістер мен толықтырулармен)

ҚР Ішкі істер министрінің 2015 жылғы 4 желтоқсандағы № 993 бұйрығымен күші жойылды

«Қауіпті өндірістік объектілердегі өнеркәсіптік қауіпсіздік туралы» Қазақстан Республикасы Заңының 7 бабы 17-1) тармақшасына сәйкес, БҰЙЫРАМЫН:

ҚР Төтенше жағдайлар министрінің 2009.21.10. № 244 бұйрығымен 1-тармақ өзгертілді (бұр.ред.қара)

1. Қоса тіркелгендер бекітілсін:

1) Жер асты өндіру тәсілімен жұмыстарды жүргізу кезіндегі өнеркәсіптік қауіпсіздік талаптары;

2) Лифтілердің құрылғысы мен қауіпсіз пайдаланылуы туралы талаптар;

3) Илек өндірісіндегі өнеркәсіптік қауіпсіздік талаптары;

4) Болат қорыту өндірісіндегі өнеркәсіптік қауіпсіздік талаптары;

5) Мұнай және газ скважиналарын жерасты жағдайында жөндеу кезіндегі өнеркәсіптік қауіпсіздік талаптары;

6) Мұнай базалары мен автокөліктерге жанармай құю станцияларын пайдалану кезіндегі өнеркәсіптік қауіпсіздік талаптары;

7) Балқытушы қышқылды өндіру кезіндегі өнеркәсіптік қауіпсіздік талаптары ;

8) Бериллийді, оның қоспалары мен одан жасалған бұйымдарды өндіру кезіндегі өнеркәсіптік қауіпсіздік талаптары ;

9) Коксохимиялық өндірістегі өнеркәсіптік қауіпсіздік талаптары;

10) Мұнайды дайындау қондырғыларын пайдалану кезіндегі өнеркәсіптік қауіпсіздік талаптары ;