Қазақстан Республикасы Президентінің
Жарлығы
Әкімшілік реформаны одан әрі жүргізу жөніндегі кейбір шаралар туралы
Осы редакция 2010 жылғы 27 қыркүйекте енгізілген өзгерістеріне дейін қолданылды
«Министрліктер мен өзге де орталық атқарушы органдардың олардың аумақтық органдарындағы және оларға
ведомстволық бағыныстағы мемлекеттік мекемелердегі адам санын ескере отырып, штат санының лимиттерін бекіту туралы» Қазақстан Республикасы Үкіметінің 2008 жылғы 15 сәуірдегі № 339 Қаулысын қара
Қазақстан Республикасы Конституциясының 44-бабының 9) тармақшасына сәйкес және мемлекеттік басқару жүйесін одан әрі жаңғыртуға бағытталып жүргізіліп жатқан әкімшілік реформа шеңберінде, мемлекеттік бюджет есебінен қамтылған органдар қызметкерлеріне еңбекақы төлеуге арналған қаражатты пайдалану тиімділігін арттыру және оларға жүктелген функциялар мен міндеттерді сапалы орындауды қамтамасыз ету мақсатында ҚАУЛЫ ЕТЕМІН:
1. Қазақстан Республикасының мемлекеттік бюджеті және Ұлттық Банкінің сметасы (бюджеті) есебінен қамтылған органдардың (бұдан әрі - мемлекеттік органдар) басшыларына:
1) мемлекеттік органдар мен олардың аумақтық бөлімшелері қызметкерлерінің штат санын қысқарту туралы шешімдерді дербес қабылдау;
2) осы Жарлыққа сәйкес штат санын қысқарту нәтижесінде босаған Қазақстан Республикасы мемлекеттік бюджетінің және Ұлттық Банкі сметасының (бюджетінің) қаражатын үстемеақылар белгілеу жолымен мемлекеттік органдар қызметкерлерінің еңбекақысын арттыруға пайдалану құқығы берілсін.
2. Мыналар:
1) 2008 жылғы 1 қаңтардан бастап мемлекеттік органдардың қызметін қамтамасыз етуге қажетті, Қазақстан Республикасы мемлекеттік бюджетінің және Ұлттық Банкі сметасының (бюджетінің) есебінен қалыптасқан қаражатты есептеу мемлекеттік органдар қызметкерлерінің 2007 жылғы 1 қаңтарға белгіленген штат санының лимиттерін және мемлекеттік органдардың қызметін қамтамасыз етуге көзделген қаражат көлемін ескере отырып жүзеге асырылады;
