Қазақстан Республикасы Үкіметінің кейбір шешiмдерiне өзгерістер мен толықтырулар енгізу туралы
Қазақстан Республикасы Үкіметінің 2005 жылғы 14 сәуірдегі № 353 Қаулысы
Осы редакция 2011 жылғы 25 наурызда енгізілген өзгерістеріне дейін қолданылды
Қазақстан Республикасы Үкіметінiң 2003 жылғы 11 маусымдағы № 567 қаулысымен бекiтілген Еуразиялық экономикалық қоғамдастық Сыртқы экономикалық қызметінің жалпы тауар номенклатурасы туралы келісімге сәйкес Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Үкіметінің кейбір шешiмдерiне мынадай өзгерістер мен толықтырулар енгізiлсiн:
1) «Түстi және қара металдардың сынықтары мен қалдықтарын жинаумен (дайындаумен), сақтаумен, өңдеумен және сатумен айналысатын шаруашылық субъектiлерiнiң қызметiн бақылауды күшейту жөнiндегі шаралар туралы» Қазақстан Республикасы Үкіметінiң 2000 жылғы 6 қаңтардағы № 23 қаулысында (Қазақстан Республикасының ПҮКЖ-ы, 2000 ж., № 1, 8-құжат):
1-тармақта:
бiрiншi абзацта «Экономика, индустрия» деген сөздер «Индустрия» деген сөзбен ауыстырылсын;
екiншi абзацта «Заңды тұлғалардың түсті және қара металдардың сынықтары мен қалдықтарын жинау (дайындау), сақтау, өңдеу және сату жөніндегі қызметiн лицензиялаудың тәртібін бекіту туралы» Қазақстан Республикасы Үкіметінiң 1998 жылғы 29 қыркүйектегi № 969» деген сөздер «Қайталама қара және түстi металдар рыногы туралы» Қазақстан Республикасы Үкіметінiң 2000 жылғы 13 наурыздағы № 383» деген сөздермен ауыстырылсын;
2-тармақта «Қазақстан Республикасының Кедендiк бақылау агенттiгімен» деген сөздер «Қазақстан Республикасы Қаржы министрлігінiң Кедендiк бақылау комитетімен» деген сөздермен ауыстырылсын;
3-тармақ мынадай редакцияда жазылсын:
