ҚР Ішкі істер министрінің 2014 жылғы 2 желтоқсандағы № 862 бұйрығымен күші жойылды
Қазақстан Республикасы
Ішкі істер министрінің
2010 жылғы 26 ақпандағы
№ 90 бұйрығына
2-қосымша
ҚР Ішкі істер министрінің 2013.04.06. № 371 бұйрығымен (бұр.ред.қара); 2014.15.01. № 11 бұйрығымен (бұр.ред.қара) тақырыбы жаңа редакцияда
Көлік құралдарының жекелеген түрлерін басқару құқығына емтихандарға
адамдарды жіберу, оларды тапсыру және куәліктер беру
ережесі
(2014.15.01. берілген өзгерістермен)
1. Жалпы ережелер
ҚР Ішкі істер министрінің 2013.04.06. № 371 бұйрығымен (бұр.ред.қара); 2014.15.01. № 11 бұйрығымен (бұр.ред.қара) 1-тармақ жаңа редакцияда
1. Көлік құралдарының жекелеген түрлерін басқару құқығына емтихандарға адамдарды жіберу, оларды тапсыру және куәліктер беру ережесі (бұдан әрі - Ереже) Қазақстан Республикасының азаматтарын, шетелдік азаматтар мен азаматтығы жоқ адамдарды емтихандарға жіберу, оларды тапсыру және көлік құралдарын басқару құқығына жүргізуші куәліктерін беру тәртібін белгілейді.
2. Барлық көлік құралдары олардың типіне, қажеттігіне және оларды басқару ерекшелігіне орай «А», «В», «С», «Д», «E», трамвай, троллейбус санаттарына бөлінеді, оларды басқару құқығына тиісті бағандарда рұқсат ету белгісі соғылған бірыңғай жүргізуші куәлігі (бұдан әрі - санаттағы куәлік) беріледі.
3. «А», «В», «С», «Д» және «E» бағандарында рұқсат ету белгісі бар жүргізуші куәлігіне ие адамдар:
«А» - мотоциклдерді, мотороллерлерді және басқа да мотокөлік құралдарын;
«В» - толық салмағы 3500 кг аспайтын және жүргізушінің орнынан басқа отыратын орындар саны сегізден аспайтын автомобильдерді;
«С» - толық салмағы 3500 кг асатын жүк автомобильдерін;
«Д» - жолаушылар тасымалдауға арналған және жүргізушінің орнынан басқа сегіз орындықтан артық орны бар автомобильдерді;
«Е» - «В», «С» немесе «Д» санатындағы көлік құралдарына жататын және жүргізушінің оларды басқару құқығы бар тіркемелі көлік құралдарын басқара алады.
