Қазақстан Республикасы
Көлік және коммуникация
министрінің
2011 жылғы 28 наурыздағы
№ 173 бұйрығымен
бекітілген
ҚР Көлік министрінің м.а. 2024.30.12. № 445 бұйрығымен үлгі нұсқаулық жаңа редакцияда (2025 ж. 11 наурыздан бастап қолданысқа енгізілді) (бұр.ред.қара)
Әуежайларда ұшу қауіпсіздігін басқару жөніндегі
үлгі нұсқаулық
(2025.11.03. берілген өзгерістермен)
1-бөлім. Кіріспе
1-тарау. Жалпы ережелер
1. Осы әуежайларда ұшу қауіпсіздігін басқару жөніндегі үлгі нұсқаулық (бұдан әрі - Үлгі нұсқаулық) «Қазақстан Республикасының әуе кеңістігін пайдалану және авиация қызметі туралы» Қазақстан Республикасының Заңына (бұдан әрі - Заң), Халықаралық азаматтық авиация туралы 19-қосымшаға, Қазақстан Республикасы Үкіметінің 2016 жылғы 11 наурыздағы № 136 қаулысымен бекітілген Азаматтық авиация саласындағы ұшу қауіпсіздігі жөніндегі бағдарламаға, Doc 9859 ИКАО «Ұшу қауіпсіздігін басқару жөніндегі нұсқаулық» сәйкес әзірленді.
Үлгі нұсқаулық сертификатталған әуеайлақтардың (тікұшақ айлақтарының), азаматтық авиация әуежайларының пайдаланушылары болып табылатын қызмет көрсетуді берушілердің (бұдан әрі - қызмет көрсетуді беруші) ұшу қауіпсіздігін басқару жүйесін (бұдан әрі - ҰҚБЖ) жұмыс істеуін енгізу және қолдау жөніндегі талаптарды нақтылайды.
Қызмет көрсетуді берушінің ҰҚБЖ осы Үлгі нұсқаулықтың 1-тарауының 3-тармағында көрсетілген ҰҚБЖ-нің жұмыс істеуін енгізу және қолдау үшін тұжырымдамалық шеңберлерді ескереді, сондай-ақ қызмет көрсетуді беруші қызметінің ауқымына және ол ұсынатын авиациялық қызметтердің күрделілігіне сәйкес келеді.
Осы тармақтың ережелерін қолдану азаматтық авиацияның сертификатталмаған әуеайлақтарын (тікұшақ айлақтарын) пайдаланушыларға осы Үлгі нұсқаулықтың талаптарын қолдануға кедергі келтірмейді.
2. Осы Үлгі нұсқаулықта пайдаланылатын негізгі ұғымдар:
