ҚР Ауыл шаруашылығы министрінің 2015 жылғы 23 желтоқсандағы № 4-6/1106 бұйрығымен күші жойылды
Қазақстан Республикасы
Ауыл шаруашылығы министрінің
2011 жылғы 29 сәуірдегі
№ 06-4/228 бұйрығына
2-қосымша
«Нөмірлік тіркеу белгілерін бере отырып, тракторларды және олардың базасында жасалған өздігінен жүретін
шассилер мен механизмдерді, монтаждалған арнайы жабдығы бар тіркемелерді қоса алғанда, олардың тіркемелерін,
өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, сондай-ақ
өтімділігі жоғары арнайы машиналарды тіркеу, қайта тіркеу»
мемлекеттік қызмет көрсету регламенті
1. Жалпы ережелер
1. Осы «Нөмірлік тіркеу белгілерін бере отырып, тракторларды және олардың базасында жасалған өздігінен жүретін шассилер мен механизмдерді, монтаждалған арнайы жабдығы бар тіркемелерді қоса алғанда, олардың тіркемелерін, өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, сондай-ақ өтімділігі жоғары арнайы машиналарды тіркеу, қайта тіркеу» мемлекеттік қызмет көрсету регламенті (бұдан әрі - Регламент) «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабы 4-тармағына сәйкес әзірленді.
2. Регламентте келесі негізгі ұғымдар қолданылады:
1) машиналарды мемлекеттік тіркеу - Қазақстан Республикасы Ауыл шаруашылығы министрлігі Агроөнеркәсіптік кешеніндегі мемлекеттік инспекция комитетінің аумақтық инспекцияларының машиналарды тіркеу, олардың жол қозғалысына қатысуына және пайдалануға қол жеткізуін растайтын мемлекеттік нөмірлік белгілер мен тіркеу құжаттарын беру бойынша Қазақстан Республикасының нормативтік-құқықтық актілеріне сәйкес жүзеге асыратын қызметі;
