Қазақстан Республикасы Үкіметiнiң
2000 жылғы 3 тамыздағы № 1176 қаулысымен
бекітілген
Осы редакция 2011 жылғы 1 шілдеде енгізілген өзгерістеріне дейін қолданылды
Қару иелерi мен оны пайдаланушылардың бастапқы дайындығын ұйымдастыру
ережесi
(2009.13.10. берілген өзгерістер мен толықтырулармен)
ҚР Үкіметінің 05.04.02 ж. № 407 қаулысымен «Қару иелерi мен пайдаланушыларының даярлаудың оқу жоспарына түсiндiрмелер» және «Оқу жоспары» деген бөлiмдерi жаңа редакцияда
ҚР Үкіметінің 2009.13.10. № 1589 қаулысымен «Күзетшілерді мамандандырылған оқу орталықтарында арнайы даярлау жөніндегі бағдарлама, оның мазмұны мен біліктілік талаптары» деген тарау алынып тасталды (бұр.ред.қара)
ҚР Үкіметінің 05.04.02 ж. № 407 қаулысымен тақырыбы өзгертілді
Қару иелерiнiң және пайдаланушыларының бастапқы дайындығы бағдарламасына
түсiндiрме жазба
Өзiн-өзi қорғауға тегiс ұңғылы қорғаныс қаруын, газды тапаншалар мен револьверлердi алғаш рет сатып алушы адамдардың бастапқы дайындығы Қазақстан Республикасы Ішкiiсминiнiң жанындағы «Динамо» Орталық Кеңесiнiң арнайы дене шынықтыру дайындығы аумақтық бөлiмшелерiнің базасында жүргiзiледi.
Атыс қаруының иелерi дайындығының ұзақтығы 15 сағатты, газды қару иелерi дайындығының ұзақтығы 11 сағатты құрайды.
Қару иелерi дайындығының мақсаты:
- атыс (ойықты, тегiс ұңғылы), газды қаруды меңгерудiң қауiпсiздiгi жөніндегі қажеттi практикалық және теориялық машықтар жинақтау;
- тактикалық-техникалық сипаттама, баллистика;
- қаруды қолдану тәртібі мен негiздерi жөніндегі қолданылып жүрген заңнаманы, Қазақстан Республикасы Қылмыстық кодексiнiң талаптарын және басқа да нормативтiк кесiмдердi бiлу;
- қару иелерiнiң қаруды қолдануына негiз беретiн мән-жайларға дербес баға беру жөніндегі машықтарын қалыптастыру.
Сабақтарды тиiстi пәндер бойынша мамандығы бар жоғары білімi бар оқытушылар мен мамандар жүргiзедi.
