ҚР Әділет министрінің 2012.29.11. № 391 бұйрығымен күші жойылды
Қазақстан Республикасы
Әділет министрінің
2011 жылғы 27 маусымдағы
№ 235 бұйрығына
4-қосымша
«Тіркеуші орган куәландырған жылжымайтын мүлік объектілерінің жоспарын (сызбасын) қоса алғанда, тіркеу ісі құжаттарының көшірмелерін беру» мемлекеттік қызмет регламенті
1. Негізгі ережелер
1. Осы «Тіркеуші орган куәландырған жылжымайтын мүлік объектілерінің жоспарын (сызбасын) қоса алғанда, тіркеу ісі құжаттарының көшірмелерін беру» мемлекеттік қызмет регламенті (бұдан әрі - Регламент) «Әкімшілік рәсімдер туралы» Қазақстан Республикасы Заңының 9-1 бабының 4-тармағына сәйкес әзірленді.
2. Тіркеуші орган куәландырған жылжымайтын мүлік объектілерінің жоспарын (сызбасын) қоса алғанда, тіркеу ісі құжаттарының көшірмелерін беру - құқық белгілеуші құжаттардың, техникалық паспорттардың, жер учаскелеріне сәйкестендіру құжаттарының және тіркеу ісіндегі өзге де құжаттардың көшірмелерін беру жөніндегі қызмет.
3. «Тіркеуші орган куәландырған жылжымайтын мүлік объектілерінің жоспарын (сызбасын) қоса алғанда, тіркеу ісі құжаттарының көшірмелерін беру» мемлекеттік қызметін (бұдан әрі - мемлекеттік қызмет) аумақтық әділет органдары (бұдан әрі - уәкілетті орган) және «электрондық үкімет» порталы (бұдан әрі - ЭҮП) Халыққа қызмет көрсету орталығы (бұдан әрі - Орталық) ұсынады.
4. Мемлекеттік қызмет көрсету нысаны: жартылай автоматтандырылған.
5. Мемлекеттік қызмет «Жылжымайтын мүлікке құқықтарды мемлекеттік тіркеу туралы» Қазақстан Республикасы Заңының 17-бабының, «Мемлекеттік қызмет көрсету стандарттарын бекіту туралы» Қазақстан Республикасы Үкіметінің 2009 жылғы 15 желтоқсандағы № 2121 қаулысының, «Құқықтық кадастардан ақпарат ұсыну ережесін бекіту туралы» Әділет министрінің м.а. 2007 жылғы 24 тамыздағы № 239 бұйрығының (Нормативтік құқықтық актілер мемлекеттік тіркеу тізілімінде № 4926 тіркелген) (бұдан әрі - Ереже) негізінде жүзеге асырылады.
