Қазақстан Республикасы Төтенше жағдайлар министрінің 2007 жылғы 19 қыркүйектегі № 141 бұйрығына өзгерістер мен толықтырулар енгізу туралы
Қазақстан Республикасы Төтенше жағдайлар министрінің 2009 жылғы 14 тамыздағы № 198 бұйрығы
(2009.21.10. берілген өзгерістермен)
ҚР Ішкі істер министрінің 2015 жылғы 4 желтоқсандағы № 993 бұйрығымен күші жойылды
«Қауіпті өндірістік объектілердегі өнеркәсіптік қауіпсіздік туралы» Қазақстан Республикасы Заңының 7-бабы 17-1) тармақшасына сәйкес БҰЙЫРАМЫН:
ҚР Төтенше жағдайлар министрінің 2009.21.10. № 244 бұйрығымен 1-тармақ өзгертілді (бұр.ред.қара)
1. «Өнеркәсіптік қауіпсіздік саласындағы нормативтік актілерді бекіту туралы» Қазақстан Республикасы Төтенше жағдайлар министрінің 2007 жылғы 19 қыркүйектегі № 141 бұйрығына мынадай толықтырулар мен өзгертулер енгізілсін:
Жарылыс жұмыстары кезіндегі біріңғай өнеркәсіптік қауіпсіздік талаптарына мынадай мазмұндағы 38-1, 47-1, 47-2, 54-1, 54-2, 55-1, 58-1, 59-1, 59-2-тармақтармен толықтырылсын:
«38-1. Механикаландырылған зарядтауға зарядтау құрылғылары мен машиналарын механикаландырып зарядтау және қауіпсіз пайдалану тәсіліне оқудан өткен жарушылар (шебер жарушылар) жіберіледі»;
«47-1. ЖМ көлік құралын тиеу жүкті орналастыру және бекіту сызбасына сәйкес жүзеге асырылады, бұл ретте жүк шанақтың бойлық осіне қатысты симметриялы және тұтас алаңы бойынша (салмағы бойынша) бірдей орналастырылады.
Жұмыс жүкті тиеу үшін тұлғаның тікелей басшылығымен және бақылауымен орындалады;
47-2. ЖМ тиеу, қайта тиеу және арту тәртібі жұмысты орындайтын жұмысшылардың жүкке қақтығысу және соқтығу мүмкіндігін болдырмайды»;
«54-1. ЖМ тасымалдау үшін жабдықталған ЖМ тасымалдау автомобильдерімен және жалпы мақсаттағы автомобильдермен тасымалдауға болады;
54-2. ЖМ тасымалдау кезінде белгіленген тұрақ орындары маршрутынан ауытқуға және белгіленген қозғалыс жылдамдығын жоғарылатуға болмайды»;
