«Жүк және жолаушы вагондарының және тартқыш жылжымалы құрамның қызмет мерзімдерін ұзарту қағидасын бекіту туралы» Қазақстан Республикасы Көлік және коммуникация министрінің 2011 жылғы 26 ақпандағы № 93 бұйрығына өзгерістер мен толықтырулар енгізу туралы
Қазақстан Республикасы Көлік және коммуникация министрінің 2011 жылғы 28 қыркүйектегі № 587 бұйрығы
«Темір жол көлігі туралы» Қазақстан Республикасының 2001 жылғы 8 желтоқсандағы Заңының 14-бабы 2-тармағының 24) тармақшасына сәйкес БҰЙЫРАМЫН:
1. «Жүк және жолаушы вагондарының және тартқыш жылжымалы құрамның қызмет мерзімдерін ұзарту қағидасын бекіту туралы» Қазақстан Республикасы Көлік және коммуникация министрінің 2011 жылғы 26 ақпандағы № 93 бұйрығына (нормативтік құқықтық актілерді мемлекеттік тіркеу тізілімінде № 6845 тіркелген, 2011 жылғы 23 сәуірде «Казахстанская правда» газетінің № 138 (26559) басылған) өзгерістер мен толықтырулар енгізілсін:
Жоғарыда көрсетілген бұйрықпен бекітілген Жүк және жолаушы вагондарының және тартқыш жылжымалы құрамның қызмет мерзімдерін ұзарту қағидасында:
3-тармақ 13), 14), 15) және 16) тармақшалармен толықтырылсын:
«13) көлемі 8 күшейтілген техникалық қызмет көрсету (бұдан әрі - ТҚК-8) - тозған және зақымдалған агрегаттарды, тораптарды, бөлшектерді ауыстыру және күш қуатты және төмен вольтты электр сымдарын жаңасына ішінара ауыстыру жолымен тартым жылжымалы құрамның (бұдан әрі - ТЖҚ) пайдалану сипаттамаларын, ақаусыздығын және толық ресурсын (қызмет мерзімін) қалпына келтіру үшін орындалатын жөндеу, осы жөндеу аяқталған соң ТЖҚ-ға жаңа қызмет мерзімі белгіленеді;
