Қарағанды қаласының мұқтаж азаматтарының жекелеген санаттарына ай сайынғы әлеуметік көмек көрсету туралы
Қарағанды қалалық мәслихатының IV шақырылған LIX сессиясының 2011 жылғы 12 желтоқсандағы № 611 шешімі
(2012.16.04. берілген өзгерістермен)
Қарағанды қалалық мәслихатының 2019 жылғы 15 мамырдағы № 409 шешімімен күші жойылды
Қазақстан Республикасының 2008 жылғы 4 желтоқсандағы Бюджет кодексіне, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес, халықтың аз қамтылған топтарына әлеуметтік қолдау көрсету мақсатында Қарағанды қалалық мәслихаты ШЕШІМ ЕТТІ:
Қарағанды қалалық мәслихатының V шақырылған II сессиясының 2012.16.04. № 31 шешімімен 1-тармақ өзгертілді (бұр.ред.қара)
1. Бір айлық есептік көрсеткіш мөлшерінде ай сайынғы әлеуметтік көмек:
1) мемлекеттік атаулы әлеуметтік көмек алушыларға, сонымен қатар зейнетақының ең төменгі мөлшерін және жасына байланысты мемлекеттік әлеуметтік жәрдемақы алушыларға;
Қарағанды қалалық мәслихатының V шақырылған І сессиясының 2012 жылғы 24 қаңтардағы № 17 шешімімен 1 тармақтың 2) тармақшасының қолданысы 2012 жылғы 1 наурызға дейін уақытша тоқтатылды
2) жетім - балалар, ата - анасының қамқорлығынсыз қалған балалар, дамуындағы мүмкіндіктері шектеулі болатын балалар, мүгедек балалар, көпбалалы отбасылардан шыққан балалар, ата - анасының бірінен айырылған балалар, жалғыз басты аналардың балалары арасынан күндізгі оқу нысанындағы барлық білім беру ұйымдарының оқушылары мен тәрбиеленушілеріне көрсетілсін.
2. Ай сайынғы әлеуметтік көмекті қаржыландыру «Жергілікті өкілетті органдардың шешімі бойынша мұқтаж азаматтардың жекелеген топтарына әлеуметтік көмек» 007 бағдарламасында көзделген қаражаттар есебінен жүргізілсін.
