(БҰРЫНҒЫ РЕДАКЦИЯ) ҚР ҮКІМЕТІНІҢ 25.12.04 Ж. № 1389 ҚАУЛЫСЫ

Ұлттық темір жол компаниясы мен ұлттық тасымалдаушылардың кейбір мәселелерi туралы
Қазақстан Республикасы Үкіметінің 2004 жылғы 25 желтоқсандағы № 1389 қаулысы

(2006.20.07. берілген өзгерістер мен толықтыруларымен)

Осы редакция 2008 жылғы 24 желтоқсанда енгізілген өзгерістеріне дейін қолданылды

"Темір жол көлiгi туралы" Қазақстан Республикасының 2001 жылғы 8 желтоқсандағы Заңына сәйкес Қазақстан Республикасының Үкіметі ҚАУЛЫ ЕТЕДI:

1. "Қазақстан темір жолы" ұлттық компаниясы" акционерлік қоғамы Ұлттық темір жол компаниясы (бұдан әрi - компания) болып белгiленсiн.

2. Мыналар:

1) "Қазтеміржолкөлiк" акционерлік қоғамы - жүктердi тасымалдау жөніндегі;

2) "Жолаушылар тасымалы" ашық акционерлік қоғамы жолаушыларды, багажды, жүк багажды және почта жөнелтiмдерiн тасымалдау жөніндегі ұлттық тасымалдаушылар болып белгiленсiн.

ҚР Үкіметінің 2006.20.07. № 694 Қаулысымен 3-тармақ өзгертілді (бұр. ред. қара)