ҚР Президентінің 2013 жылғы 15 қаңтардағы № 465 Жарлығымен күші жойылды
Қазақстан Республикасы
Президентінің
2011 жылғы 14 желтоқсандағы
№ 196 Жарлығымен
БЕКІТІЛГЕН
«Мүлікті (зияткерлік меншік объектілерін, материалдық емес активтердің құнын қоспағанда)
бағалау жөніндегі қызметтерді жүзеге асыруға лицензиясы бар жеке немесе заңды тұлғаны аккредиттеу»
мемлекеттік қызметтер стандарты
1. Жалпы ережелер
1. Мемлекеттік қызметтерді 050000, Алматы қаласы, Әйтеке би көшесі, 67 мекенжайында орналасқан Қазақстан Республикасы Ұлттық Банкінің Қаржы нарығын және қаржы ұйымдарын бақылау мен қадағалау комитеті (бұдан әрі — Комитет) көрсетеді.
2. Көрсетілетін мемлекеттік қызметтер нысаны: автоматтандырылмаған.
3. Мемлекеттік қызметтер «Көлік құралдары иелерінің азаматтық-құқықтық жауапкершілігін міндетті сақтандыру туралы» 2003 жылғы 1 шілдедегі Қазақстан Республикасы Заңының (бұдан әрі - Заң) 1, 18-1-баптарының, Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Көлік құралдары иелерінің азаматтық-құқықтық жауапкершілігін міндетті сақтандыру жөніндегі қызметтерді ұйымдастыруды және жүзеге асыруды реттейтін нормативтік құқықтық актілерді бекіту туралы» 2010 жылғы 1 наурыздағы № 27 қаулысының (бұдан әрі - қаулы) негізінде көрсетіледі.
4. Мемлекеттік қызметтер стандарты Қазақстан Республикасы Ұлттық Банкінің: www.nationalbank.kz интернет-ресурсында («Ұлттық Банктің мемлекеттік қызметтері» бөлімі) орналастырылады, сондай-ақ ол Қазақстан Республикасының бүкіл аумағында таралатын бұқаралық ақпарат құралдарында жарияланған. Қосымша ақпаратты 8(727)2619-226, 2788-104 телефондар арқылы алуға болады.
5. Көрсетілетін мемлекеттік қызметтердің нәтижесі — аккредиттеу туралы куәлігі не қызметтер көрсетуден бас тарту туралы дәлелді жауап.
