КПСС Борбордук Комитетинин жана СССР Министрлер Советинин «Өнөр жай ишканалары менен курулуш уюмдарынын өндүрүштүк участокторунун мастерлеринин ролун мындан ары жогорулатуу боюнча чаралар жөнүндөгү» 1977-жыл 25-апрелдеги токтомун турмушка ашыруу боюнча чаралар тууралу
Кыргызстан Коммунистик партиясынын борбордук комитети жана Кыргыз ССР Министрлер советинин 1977-жылдын 4-июлундагы № 385 токтому
Акыркы жылдарда республиканын өнөр жай ишканалары менен курулуш уюмдарында мастер кадрларды тандоо, жайгаштыруу жана тарбиялоо жакшырып, алардын жалпы билим алуу, профессионалдык жана маданий деңгээли жогорулагандыгын Кыргызстан КП БК жана Кыргыз ССР Министрлер Совети белгилейт. Мында өндүрүштүк участоктун 8093 мастерлери иштеп, алардын үчтөн экисинен көбүрөөгүнүн жогорку же атайын орто билимдери бар. Алардын көпчүлүгү өз ишин жакшы билишет, өндүрүштү билгичтик менен уюштурушат жана жумушчуларды эмгекке коммунисттик мамиле кылууга тарбиялоо боюнча чоң жумуш жүргүзүшөт, алардын маданий-техникалык деңгээлинин өсүшү жөнүндө кам көрүшөт. Мастерлердин активдүү катышуулары менен эмгекти, өндүрүштүк техниканы жана технологияны уюштурууну өркүндөтүү, социалисттик мелдешти өнүктүрүү боюнча ири иш чаралар жүргүзүлөт. Автомобиль жыйноочу, Кыргыз ССРинин 50 жылдыгы атындагы прибор куруучу, бургу, электрондук эсептегич машиналар заводдорунда, республиканын көпчүлүк жеңил өнөр жай ишканаларында өндүрүштү башкарууга, өндүрүштү техникалык жана экономикалык жактан өнүктүрүүнүн учурдагы жана келечектеги маселелерин чечүүгө мастерлер кеңири тартылышат.
