«Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Сақтандыру (қайта сақтандыру) ұйымдарының және сақтандыру брокерлерінің есептілікті беру ережесін бекіту туралы» 2010 жылғы 3 қыркүйектегі № 128 қаулысына өзгерістер енгізу туралы
Қазақстан Республикасы Ұлттық Банкі Басқармасының 2012 жылғы 24 ақпандағы № 63 Қаулысы
ҚР Ұлттық Банкі Басқармасының 2015 жылғы 27 мамырдағы № 81 Қаулысымен күші жойылды
Сақтандыру (қайта сақтандыру) ұйымдарының және сақтандыру брокерлерінің қызметін реттейтін нормативтік құқықтық актілерді жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:
1. Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Сақтандыру (қайта сақтандыру) ұйымдарының және сақтандыру брокерлерінің есептілікті беру ережесін бекіту туралы» 2010 жылғы 3 қыркүйектегі № 128 қаулысына (Нормативтік құқықтық актілерді мемлекеттік тіркеу тізілімінде № 55113 тіркелген) мынадай өзгерістер енгізілсін:
көрсетілген қаулымен бекітілген Сақтандыру (қайта сақтандыру) ұйымдарының және сақтандыру брокерлерінің есептілікті беру ережесінде 1-қосымшада:
3-тармақ мынадай редакцияда жазылсын:
«3. Сақтандыру (қайта сақтандыру) ұйымдары есептілікті мынадай кезеңділікпен және мынадай нысандар бойынша:
1) ай сайын, есепті айдан кейінгі айдың бесінші жұмыс күні Астана қаласының уақытымен сағат 18.00-ден кешіктірмей:
осы Ереженің 1-қосымшасына сәйкес ақша қалдығы туралы есепті;
осы Ереженің 2-қосымшасына сәйкес орналастырылған салымдар туралы есепті;
осы Ереженің 3-қосымшасына сәйкес бағалы қағаздар туралы есепті;
осы Ереженің 4-қосымшасына сәйкес «кері РЕПО», «РЕПО» операциялары туралы есепті;
осы Ереженің 5-қосымшасына сәйкес қайта сақтандырушылардан алынуға тиіс сомалар, сақтанушылардан (қайта сақтанушылардан) және делдалдардан алынуға тиіс сақтандыру сыйлықақылары туралы есепті;
осы Ереженің 6-қосымшасына сәйкес инвестициялық мүлік және негізгі қаражат туралы есепті;
