«Табиғи монополиялар субъектілерінің Мемлекеттік тіркелімінің республикалық бөлімі туралы» Қазақстан Республикасы Табиғи монополияларды реттеу агенттігі төрағасының 2005 жылғы 24 қаңтардағы № 16-НҚ бұйрығына толықтырулар мен өзгерістер енгізу туралы
Қазақстан Республикасы Табиғи монополияларды реттеу агенттігі төрағасының 2011 жылғы 24 наурыздағы № 98-НҚ бұйрығы
«Табиғи монополиялар және реттелетін нарықтар туралы» Қазақстан Республикасы Заңының 13-бабы 1-тармағының 2) тармақшасына, 14-бабы 1-тармағының 2) тармақшасына, Қазақстан Республикасы Табиғи монополияларды реттеу және бәсекелестікті қорғау жөніндегі агенттігі төрағасының 2003 жылғы 26 ақпандағы № 57-НҚ бұйрығымен бекітілген Табиғи монополиялар субъектілерін Мемлекеттік тіркелімге енгізу және шығару ережесінің 8-тармағына сәйкес БҰЙЫРАМЫН:
1. «Табиғи монополиялар субъектілерінің Мемлекеттік тіркелімінің республикалық бөлімі туралы» Қазақстан Республикасы Табиғи монополияларды реттеу агенттігі төрағасының 2005 жылғы 24 қаңтардағы № 16-НҚ бұйрығына мынадай толықтырулар мен өзгерістер енгізілсін:
көрсетілген бұйрықпен бекітілген табиғи монополиялар субъектілерінің Мемлекеттік тіркелімінің республикалық бөліміндегі:
реттік нөмірі 2-жолда:
4-баған мынадай мазмұндағы он алтыншы, он жетінші абзацтармен толықтырылсын:
«суды таратушы желілер арқылы беру жөніндегі қызметтер; ағынды суды бұру жөніндегі қызметтер»;
реттік нөмірі 13-жолда:
3-бағандағы екінші абзац «телекоммуникациялар желілерін ортақ пайдаланудағы телекоммуникациялардың желісіне қосуға технологиялық жағынан байланысты кабельдік арналар мен өзге де негізгі құралдарды мүліктік жалға беруге (жалдауға) немесе пайдалануға беру жөніндегі қызметтер» алып тасталсын;
