ҚР Үкіметінің 2014 жылғы 25 ақпандағы № 149 Қаулысымен күші жойылды
Қазақстан Республикасы
Үкіметінің
2012 жылғы 28 маусымдағы
№ 865 қаулысымен
бекітілген
«Тауарлардың жекелеген түрлерiн Қазақстан Республикасының аумағына импорттауға рұқсат беру»
мемлекеттiк қызмет көрсету стандарты
1. Жалпы ережелер
1. Мемлекеттік қызметті Қазақстан Республикасы Экономикалық даму және сауда министрлігінің Сауда комитеті (бұдан әрі - Комитет) жүзеге асырады және алушының электрондық цифрлық қолтаңбасы болған жағдайда www.e.gov.kz «электрондық веб-порталы» немесе www.elicense.kz «Е-лицензиялау» веб-порталы (бұдан әрі - веб-портал) арқылы жүзеге асырылады.
Комитеттің мекенжайы: 010000, Астана қаласы, Орынбор көшесі, № 8 үй, «Министрліктер үйі» ғимараты, 4-кіреберіс; телефоны: 8 (7172) 74-91-16 8 (7172) 74-91-16, интернет-ресурстары: www.minplan.kz, www.comtorg.kz.
2. Көрсетілетін мемлекеттік қызметтің нысаны: ішінара автоматтандырылған.
3. Мемлекеттік қызмет «Тауарлардың сыртқы саудасы саласындағы лицензиялау ережесі туралы келісімді ратификациялау туралы» Қазақстан Республикасы 2009 жылғы 24 қарашадағы Заңның 4-бабына және «Қазақстан Республикасы Экономикалық даму және сауда министрлігінің мәселелері» туралы Қазақстан Республикасы Үкiметiнің 2004 жылғы 28 қазандағы № 1116 қаулысының 10-тармағының 30) тармақшасына сәйкес жүзеге асырылады.
4. Мемлекеттік қызмет көрсету тәртібі туралы толық ақпарат Қазақстан Республикасы Экономикалық даму және сауда министрлігінің (бұдан әрi - Министрлік) және Комитеттің www.minplan.kz, www.comtorg.kz интернет-ресурстарында, сондай-ақ Комитеттің үй-жайларында орналасқан ресми ақпарат көздерінде және стендтерде орналастырылады.
Сондай-ақ, веб-портал арқылы мемлекеттік қызметті көрсету тәртібі туралы ақпаратты «электронды үкімет» call-орталығының ақпараттық-анықтамалық қызметінің 1414 телефоны бойынша алуға болады.
