«Астана қаласындағы мұқтаж азаматтардың жекелеген санаттарына әлеуметтік көмек көрсету ережесі туралы» Астана қаласы мәслихатының 2010 жылғы 13 желтоқсандағы № 410/54-IV шешіміне өзгеріс пен толықтыру енгізу туралы
Астана қаласы мәслихатының 2012 жылғы 31 тамыздағы № 64/8-V шешімі
Астана қаласы мәслихатының 2014 жылғы 27 маусымдағы № 250/36-V шешімімен күші жойылды
«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі кодексі 9-бабы 1-тармағының 5) тармақшасына, «Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы» Қазақстан Республикасының 1995 жылғы 28 сәуірдегі Заңының 20-бабына, «Қазақстан Республикасы астанасының мәртебесі туралы» Қазақстан Республикасының 2007 жылғы 21 шілдедегі Заңының 8-бабының 3) тармақшасына сәйкес, Астана қаласының мәслихаты ШЕШТІ:
1. «Астана қаласындағы мұқтаж азаматтардың жекелеген санаттарына әлеуметтік көмек көрсету ережесі туралы» Астана қаласы мәслихатының 2010 жылғы 13 желтоқсандағы № 410/54-IV шешіміне (нормативтік құқықтық актілерді мемлекеттік тіркеу тізілімінде 2010 жылғы 24 қаңтарда № 666 болып тіркелген, 2011 жылғы 27 қаңтардағы № 11 «Вечерняя Астана», 2010 жылғы 27-29 қаңтардағы № 10, 11 «Астана ақшамы» газеттерінде жарияланған) келесі өзгеріс пен толықтыру енгізілсін:
жоғарыда көрсетілген шешімімен бекітілген Астана қаласындағы мұқтаж азаматтардың жекелеген санаттарына әлеуметтік көмек көрсету ережесінің (бұдан әрі - Ереже) 38-5 тармағы келесі редакцияда жазылсын:
«38-5. Әлеуметтік көмек шеңберінде осы Ережеге қосымшаға сәйкес амбулаторлық емделуде Астана қаласындағы мұқтаж азаматтардың санаттарын тегін қамтамасыз ету үшін дәрі-дәрмек құралдарының тізбе (бұдан әрі - дәрі-дәрмек құралдарының тізбесі) бойынша дәрі-дәрмек құралдары ұсынылады.
