«Бюджеттiк мониторинг жүргiзу нұсқауын бекiту туралы» Қазақстан Республикасы Қаржы министрiнiң 2009 жылғы 16 ақпандағы № 68 бұйрығына өзгерiстер енгiзу туралы
Қазақстан Республикасы Қаржы министрінің 2012 жылғы 4 қазандағы № 453 Бұйрығы
ҚР Қаржы министрінің 2016 жылғы 30 қарашадағы № 629 бұйрығымен күші жойылды
БҰЙЫРАМЫН:
1. «Бюджеттiк мониторинг жүргiзу нұсқауын бекiту туралы» Қазақстан Республикасы Қаржы министрiнiң 2009 жылғы 16 ақпандағы № 68 бұйрығына (Нормативтiк құқықтық актiлердi мемлекеттiк тiркеу тізілімінде № 5574 болып тiркелген) мынадай өзгерiстер енгiзiлсiн:
көрсетiлген бұйрықпен бекiтiлген Бюджеттiк мониторинг жүргiзу нұсқауында:
26-тармақ мынадай редакцияда жазылсын:
«26. Бюджеттік бағдарламалар әкімшісіне тәуелді емес объективті себептерге мыналар жатады:
бағамдық айырма;
форс-мажорлық жағдайлар (көзделуі, қандай да болмасын іс-шаралармен алдын алуы немесе жойылуы мүмкін емес жағдайлар);
бағаның және тұтынудың заттай көлемінің өзгеруі есебінен қалыптасқан түгел пайдаланылмаған қаражат қалдығы;
бос орындардың болуы, ақысыз демалыстар беру және еңбекке уақытша жарамсыздық парақтары бойынша төлемдер есебінен ағымдағы шығындар бойынша үнемдеу;
ол бойынша Үкіметтің шешімдері қабылданбаған бөлінетін бюджеттік бағдарламалар бойынша бөлінбеген қалдық;
бюджет қаражатын алушылардың жоспарланғанға қарағанда іс жүзіндегі санының азаюы;
кредиттер, қарыздар бойынша сыйақы (мүдде) ставкасының өзгеруі;»;
39-тармақтың 5) тармақшасы мынадай редакцияда жазылсын:
«5) 17-бағанда бюджеттік бағдарламалар әкімшілеріне тәуелді емес объективті себептер бойынша қалыптасқан орындамау сомасы көрсетіледі:
бағамдық айырма;
форс-мажорлық жағдайлар (көзделуі, қандай да болмасын іс-шаралармен алдын алуы немесе жойылуы мүмкін емес жағдайлар);
бағаның және тұтынудың заттай көлемінің өзгеруі есебінен қалыптасқан түгел пайдаланылмаған қаражат қалдығы;
бос орындардың болуы, ақысыз демалыстар беру және еңбекке уақытша жарамсыздық парақтары бойынша төлемдер есебінен ағымдағы шығындар бойынша үнемдеу;
