«Бюджетті атқару жөніндегі уәкілетті органдардың бюджеттік есептілікті жасау және беру ережесін бекіту туралы» Қазақстан Республикасы Қаржы министрінің 2008 жылғы 30 желтоқсандағы № 644 бұйрығына өзгерістер мен толықтыру енгізу туралы
Қазақстан Республикасы Қаржы министрінің 2012 жылғы 30 қазандағы № 473 Бұйрығы
ҚР Қаржы министрінің 2014 жылғы 31 шілдедегі № 324 бұйрығымен күші жойылды
БҰЙЫРАМЫН:
1. «Бюджетті атқару жөніндегі уәкілетті органдардың бюджеттік есептілікті жасау және беру ережесін бекіту туралы» Қазақстан Республикасы Қаржы министрінің 2008 жылғы 30 желтоқсандағы № 644 (Нормативтік құқықтық актілерді мемлекеттік тіркеу тізілімінде № 5489 болып тіркелген) бұйрығына мынадай өзгерістер мен толықтыру енгізілсін:
көрсетілген бұйрықпен бекітілген Бюджетті атқару жөніндегі уәкілетті органдардың бюджеттік есептілікті жасау және беру ережесінде:
80-тармақ мынадай редакцияда жазылсын:
«80. Кредиторлық берешек туралы шұғыл есепті ай сайын:
1) ведомство қағаз тасығышта және электрондық дерекқор түрінде есептіден кейінгі айдың 20-ші күнінен кешіктірмей, сондай-ақ Электрондық құжат айналымының бірыңғай жүйесінің (бұдан әрі - ЭҚАБЖ) талаптарына сәйкес ресімделген ілеспе хат түрінде, КБ-Б және КБ-П нысандары бойынша есепті деректердің электрондық түрлерін және бюджеттік және өзге де қаражат есебінен қалыптасқан кредиторлық берешектің қалыптасу себептері туралы ақпаратты осы Ереженің 16 және 16-1-қосымшаларына сәйкес сала отырып беріледі.
Берешектің құрылу себептері туралы ақпарат әрбір бюджеттік бағдарлама (кіші бағдарлама) бойынша берешектің құрылу себебін қамтиды;
2) бюджетті атқару жөніндегі облыстардың, республикалық маңызы бар қаланың, астананың жергілікті уәкілетті органдары - электронды дерек қор түрінде, есептіден кейінгі айдың 20 күнінен кешіктірмей, есептіден кейінгі айдың аяғына дейін есеп деректерін қағаз тасығышта растай отырып, бюджетті атқару жөніндегі орталық уәкілетті органға береді.
