ҚР Әділет министрінің 2014 жылғы 30 қаңтардағы № 34 бұйрығымен күші жойылды
Қазақстан Республикасы
Әділет министрінің
2012 жылғы 29 қарашадағы
№ 391 бұйрығына
1-қосымша
«Жылжымайтын мүлікке құқықтарды (ауыртпалықтарды) мемлекеттік тіркеу»
мемлекеттік қызмет регламенті
1. Жалпы ережелер
1. Осы «Жылжымайтын мүлікке құқықтарды (ауыртпалықтарды) мемлекеттік тіркеу» мемлекеттік қызмет регламенті (бұдан әрі - қызмет) «Әкімшілік рәсімдер туралы» Қазақстан Республикасы Заңының 9-1-бабының 4-тармағына сәйкес әзірленді және аумақтық әділет органдары (бұдан әрі - уәкілетті орган) Халыққа қызмет көрсету орталықтары (бұдан әрі - Орталық) арқылы ұсынады.
2. Қызмет Қазақстан Республикасы Үкіметінің 2009 жылғы 15 желтоқсандағы № 2121 қаулысымен бекітілген «Жылжымайтын мүлікке құқықтарды (ауыртпалықтарды) мемлекеттік тіркеу» мемлекеттік қызмет стандартына (бұдан әрі - Стандарт) негізінде жүзеге асырылады.
3. Қызмет көрсету нысаны: автоматтандырылмаған.
4. Қызмет көрсетудің аяқталу нысаны «Жылжымайтын мүлікке құқықтарды мемлекеттік тіркеу туралы» Қазақстан Республикасының Заңында көзделген негіздер бойынша тіркеу жасалғаны туралы белгісі бар құқығын белгілеуші құжат немесе мемлекеттік тіркеуден бас тарту немесе тоқтата тұру туралы жауап беру, сондай-ақ мемлекеттік тіркеу туралы куәлік беру (қағаз тасығышта) болып табылады.
5. Қызмет ұсыну үдерісіне енгізілген мемлекеттік органдардың және басқа да субъектілердің тізімі:
1) Орталық - құжаттарды қабылдау және тіркеу жасалғаны туралы белгісі бар құқық белгілеуші құжатты немесе мемлекеттік тіркеуден бас тарту немесе тоқтата тұру туралы негізделген жауапты беру.
2) Уәкілетті орган - құжаттарды өңдеу.
2. Мемлекеттік қызмет көрсетуге қойылатын талаптар
6. Қызмет көрсету бойынша ақпарат Стандарттың 4-тармағында көрсетілген.
7. Қызмет көрсету мерзімдері Стандарттың 7-тармағында көрсетілген.
8. Қызмет ақылы түрде қолма-қол ақшалай және (немесе) қолма-қол ақшасыз көрсетіледі.
