ҚР Әділет министрінің 2014 жылғы 30 қаңтардағы № 34 бұйрығымен күші жойылды
Қазақстан Республикасы
Әділет министрінің
2012 жылғы 29 қарашадағы
№ 391 бұйрығына
4-қосымша
«Тіркеуші орган куәландырған жылжымайтын мүлік объектілерінің жоспарын (сызбасын)
қоса алғанда, тіркеу ісі құжаттарының көшірмелерін беру»
мемлекеттік қызмет регламенті
1. Жалпы ережелер
1. Осы «Тіркеуші орган куәландырған жылжымайтын мүлік объектілерінің жоспарын (сызбасын) қоса алғанда, тіркеу ісі құжаттарының көшірмелерін беру» мемлекеттік қызмет регламенті (бұдан әрі - қызмет) «Әкімшілік рәсімдер туралы» Қазақстан Республикасы Заңының 9-1 бабының 4-тармағына сәйкес әзірленді және аумақтық әділет органдары (бұдан әрі - уәкілетті орган) Халыққа қызмет көрсету орталықтары (бұдан әрі - Орталық) арқылы ұсынады.
2. Қызмет Қазақстан Республикасы Үкіметінің 2009 жылғы 15 желтоқсандағы № 2121 қаулысымен бекітілген «Жылжымайтын мүлік объектілері жоспарын (схемасын) қоса алғанда, тіркеу органы куәландырған тіркеу ісі құжаттарының көшірмелерін беру» мемлекеттік қызмет стандарты (бұдан әрі - Стандарт) негізінде жүзеге асырылады.
3. Қызмет көрсету нысаны: автоматтандырылмаған.
4. Қызмет көрсетудің аяқталу нысаны жылжымайтын мүлік объектілері жоспарын (сызбанұсқасын) қоса алғанда, тіркеу органы куәландырған тіркеу ісі құжаттарының көшірмелерін немесе қызмет көрсетуден бас тарту туралы жазбаша дәлелді хабарламаны беру болып табылады.
5. Қызмет ұсыну процессіне енгізілген мемлекеттік органдардың және басқа да субъектілердің тізімі:
1) Орталық - құжаттарды қабылдау және жылжымайтын мүлік объектілері жоспарын (сызбанұсқасын) қоса алғанда, тіркеу органы куәландырған тіркеу ісі құжаттарының көшірмелерін немесе қызмет көрсетуден бас тарту туралы жазбаша дәлелді хабарламаны беру.
2) Уәкілетті орган - құжаттарды өңдеу.
2. Мемлекеттік қызмет көрсетуге қойылатын талаптар
6. Қызмет көрсету бойынша ақпарат Стандарттың 4-тармағында көрсетілген.
7. Қызмет көрсету мерзімдері Стандарттың 7-тармағында көрсетілген.
