ҚР Премьер-Министрінің орынбасары - ҚР Қаржы министрінің 2014 жылғы 4 сәуірдегі № 163 бұйрығымен күші жойылды
Қазақстан Республикасы
Қаржы министрінің м.а.
2012 жылғы 29 желтоқсандағы
№ 586 бұйрығына 11-қосымша
«Салықтарды және (немесе) өсімпұлдарды төлеу бойынша салық міндеттемесін орындау мерзімін өзгерту»
мемлекеттік қызмет регламенті
1. Жалпы ережелер
1. Осы «Салықтарды және (немесе) өсімпұлдарды төлеу бойынша салық міндеттемесін орындау мерзімін өзгерту» мемлекеттік қызмет регламенті (бұдан әрі - Регламент) Қазақстан Республикасының 2008 жылғы 4 желтоқсандағы Бюджет кодексінің 34-бабына, «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1, 15-2-баптарына, сондай-ақ «Қазақстан Республикасы салық қызметі органдарының мемлекеттік қызмет стандарттарын бекіту туралы» Қазақстан Республикасы Үкіметінің 2012 жылғы 30 қарашадағы № 1519 қаулысымен бекітілген «Салықтарды және (немесе) өсімпұлдарды төлеу бойынша салық міндеттемесін орындау мерзімін өзгерту» мемлекеттік қызмет стандартына (бұдан әрі - Стандарт) сәйкес әзірленген.
2. Регламентте мынадай ұғымдар пайдаланады:
1) алушы - жеке немесе заңды тұлға;
2) БСАЖ - Біріктірілген салық ақпараттық жүйесі;
3) Дербес шоттарды жүргізу ережелері - Қазақстан Республикасы Қаржы министрінің 2008 жылғы 29 желтоқсандағы № 622 бұйрығымен бекітілген Дербес шоттарды жүргізу ережелері;
4) ҚҚС - қосылған құн салығы;
5) «Құжат айналымы» АЖ - кіріс және шығыс құжаттарын тіркеуге арналған салық қызметі органдарының ақпараттық жүйесі;
6) құрылымдық-функционалды бірліктер - мемлекеттік қызмет көрсету үдерісіне қатысатын лауазымды адамдар және ақпараттық жүйе;
7) СБ - Қазақстан Республикасының салық органы (Ақпаратты қабылдау және өңдеу орталығы қарамағына қарайтын салық басқармасы);
8) ЭҚАБЖ - электронды құжат айналымының бірыңғай жүйесінде.
