«Білім туралы мемлекеттік үлгідегі құжаттардың түрлері мен нысандарын және оларды беру ережесін бекіту туралы» Қазақстан Республикасы Үкіметінің 2007 жылғы 28 желтоқсандағы № 1310 қаулысына өзгерістер енгізу туралы
Қазақстан Республикасы Үкіметінің 2013 жылғы 12 ақпандағы № 123 Қаулысы
ҚР Үкіметінің 2015 жылғы 11 тамыздағы № 638 Қаулысымен күші жойылды
Қазақстан Республикасының Үкіметі ҚАУЛЫ ЕТЕДІ:
1. «Білім туралы мемлекеттік үлгідегі құжаттардың түрлері мен нысандарын және оларды беру ережесін бекіту туралы» Қазақстан Республикасы Үкіметінің 2007 жылғы 28 желтоқсандағы № 1310 қаулысына (Қазақстан Республикасының ПҮАЖ-ы, 2007 ж., № 50, 607-құжат) мынадай өзгерістер енгізілсін:
1) көрсетілген қаулымен бекітілген білім туралы мемлекеттік үлгідегі құжаттардың түрлері мен нысандарында:
2-тармақтың 1) және 2) тармақшалары мынадай редакцияда жазылсын:
«1) көлемі 224 x 160 мм қатты мұқабадан;
2) көлемі 210 x 150 мм қосымша парақтан;»;
3-тармақтың 3) тармақшасы мынадай редакцияда жазылсын:
«3) магистр, доктор (PhD, бейіні бойынша) дипломдары үшін - күрең қызыл түстен;»;
6-тармақтың 1) тармақшасы мынадай редакцияда жазылсын:
«1) ақшыл-қызғылт түс - үздік белгісі бар құжаттардың қосымша парақтары магистр, доктор (PhD, бейіні бойынша), сондай-ақ «Алтын белгі» белгісімен марапатталған тұлғаларға берілетін құжаттар үшін;»;
9-тармақтың екінші бөлігі мынадай редакцияда жазылсын:
«Жоғары білім туралы, магистр, доктор (PhD, бейіні бойынша) дипломдарының, доцент және профессор аттестаттарының қосымша парақтарының сол жақ ішкі бетінде мемлекеттік тілдегі мазмұны, ал оң жағында орыс және ағылшын тілдерінде бірдей мазмұны көрсетіледі.»;
