«Өнеркәсіптік қауіпсіздік саласындағы нормативтік актілерді бекіту туралы» Қазақстан Республикасы Төтенше жағдайлар министрінің 2007 жылғы 19 қыркүйектегі № 141 бұйрығына өзгерістер енгізу туралы
Қазақстан Республикасы Төтенше жағдайлар министрінің 2013 жылғы 6 мамырдағы № 198 бұйрығы
ҚР Ішкі істер министрінің 2015 жылғы 4 желтоқсандағы № 993 бұйрығымен күші жойылды
Қазақстан Республикасы Премьер-Министрінің Орынбасары Е.Т. Орынбаев 2012 жылғы 18 шілдеде бекіткен Қазақстан Республикасы Төтенше жағдайлар министрлігінің «Жару жұмыстарын немесе жарылғыш заттармен жұмыс жүргізуге рұқсат беру» қызметін көрсету кезінде бизнес-үдерістерді оңтайландыру және автоматтандыру, халықтан талап етілетін құжаттардың санын қысқарту жөніндегі жоспарды іске асыру мақсатында БҰЙЫРАМЫН:
1. «Өнеркәсіптік қауіпсіздік саласындағы нормативтік актілерді бекіту туралы» Қазақстан Республикасы Төтенше жағдайлар министрінің 2007 жылғы 19 қыркүйектегі № 141 бұйрығына мынадай өзгерістер енгізілсін:
Көрсетілген бұйрықпен бекітілген Жарылыс жұмыстары кезіндегі өнеркәсіптік қауіпсіздік талаптарында:
467 және 468-тармақтар мынадай редакцияда жазылсын:
«467. Электрондық құжат нысанындағы өтініште:
1) ұйымның атауы және мекенжайы;
2) жұмыс орндары, олардың тұрақты немесе бір реттік сипаты;
3) ЖМ сақтау орны туралы мәліметтер (аты, орналасуы, тиесілігі, сыйымдылығы) көрсетіледі.
