Бюджеттік мониторинг жүргізу нұсқауын бекіту туралы
Қазақстан Республикасы Қаржы министрінің 2009 жылғы 16 ақпандағы № 68 бұйрығы
(2012.04.10. берілген өзгерістер мен толықтырулармен)
Осы редакция 2013 жылғы 24 маусымда енгізілген өзгерістеріне дейін қолданылды
ҚР Қаржы министрінің 2010.28.07. № 376 Бұйрығымен тақырыбы өзгертілді (бұр.ред.қара)
ҚР Қаржы министрінің 2010.28.07. № 376 Бұйрығымен кіріспе өзгертілді (бұр.ред.қара)
Қазақстан Республикасының 2008 жылғы 4 желтоқсандағы Бюджет кодексінің 112-бабына сәйкес БҰЙЫРАМЫН:
ҚР Қаржы министрінің 2010.28.07. № 376 Бұйрығымен 1-тармақ өзгертілді (бұр.ред.қара)
1. Қоса беріліп отырған Бюджеттік мониторинг жүргізу Нұсқаумен бекітілсін.
2. Қазақстан Республикасы Қаржы министрлігінің Мемлекеттік бюджеттің атқарылуын талдау және оның әдіснамасы департаменті (Қалиева А.Н.) осы бұйрықтың Қазақстан Республикасының Әділет министрлігінде мемлекеттік тіркелуін қамтамасыз етсін.
ҚР Қаржы министрінің 2010.28.07. № 376 Бұйрығымен 3-тармақ өзгертілді (бұр.ред.қара)
3. Бюджеттік бағдарламалар әкімшілері және жергілікті атқарушы органдар бюджеттік мониторинг жүргізген кезде осы Нұсқауды басшылыққа алсын.
4. «Бюджеттік бағдарламаларды іске асыру туралы талдамалық есепті жасау және табыс ету жөніндегі нұсқаулықты бекіту туралы» Қазақстан Республикасы Қаржы министрінің 2007 жылғы 24 шілдедегі № 263 бұйрығының (Нормативтік құқықтық актілерді мемлекеттік тіркеу тізілімінде 2007 жылғы 17 тамыздағы № 4881 болып тіркелген) күші жойылды деп танылсын.
ҚР Қаржы министрінің 2010.28.07. № 376 Бұйрығымен 5-тармақ өзгертілді (бұр.ред.қара)
5. Қазақстан Республикасы Қаржы министрлігінің Ақпараттық технологиялар департаменті (Күнтубаев Д.Ж.) 2009 жылғы 17 сәуірдегі мерзімге дейін осы Нұсқаудың қосымшаларын ескере отырып, «Бюджеттік процесс мониторингі» бағдарламалық қамтамасыз етуін пысықтасын және оның бюджеттік мониторинг жүргізу үшін республикалық және жергілікті бюджеттік бағдарламалардың әкімшілерінде орнатылуын қамтамасыз етсін.
