Қазақстан Республикасы Денсаулық сақтау министрлігінің «Оңтүстік Қазақстан мемлекеттік медицина академиясы» республикалық мемлекеттік қазыналық кәсіпорнының кейбір мәселелері туралы
Қазақстан Республикасы Үкіметінің 2009 жылғы 8 шілдедегі № 1037 Қаулысы
(2010.02.03. берілген өзгерістермен)
Осы редакция 2013 жылғы 5 тамызда енгізілген өзгерістеріне дейін қолданылды
Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Денсаулық сақтау министрлігінің «Оңтүстік Қазақстан мемлекеттік медицина академиясы» (бұдан әрі - Академия) республикалық мемлекеттік қазыналық кәсіпорны Қазақстан Республикасы Денсаулық сақтау министрлігінің шаруашылық жүргізу құқығындағы «Оңтүстік Қазақстан мемлекеттік фармацевтика академиясы» республикалық мемлекеттік кәсіпорны (бұдан әрі - кәсіпорын) болып қайта ұйымдастырылсын.
2. Мыналар:
1) кәсіпорын қызметінің негізгі мәні денсаулық сақтау және білім беру саласындағы өндірістік-шаруашылық қызметті жүзеге асыру;
2) Қазақстан Республикасы Денсаулық сақтау министрлігі кәсіпорынды мемлекеттік басқару органы болып белгіленсін.
3. Қазақстан Республикасы Денсаулық сақтау министрлігі заңнамада белгіленген тәртіппен:
1) Қазақстан Республикасы Қаржы министрлігінің Мемлекеттік мүлік және жекешелендіру комитетіне кәсіпорынның жарғысын бекітуге енгізсін;
2) кәсіпорынды әділет органдарында мемлекеттік тіркеуді қамтамасыз етсін.
4. Қазақстан Республикасы Білім және ғылым министрлігі заңнамада белгіленген тәртіппен:
1) Қазақстан Республикасы Денсаулық сақтау, Әділет, Экономика және бюджеттік жоспарлау, Қаржы және Сыртқы істер министрліктерімен бірлесіп, Қожа Ахмед Иассауи атындағы Халықаралық Қазақ-Түрік университеті (бұдан әрі - ХҚТУ) қызметінің шарттары туралы Түрік Республикасымен үкіметаралық келісімнің жобасын әзірлеу жөнінде жұмыс тобын құрсын;
2) Академия студенттерін оқытуды аяқтау мақсатында ХҚТУ-ға «Педиатрия» және «Стоматология» мамандықтары бойынша білім беру қызметін жүзеге асыру құқығына лицензиялар беру мәселесін қарасын;
