Қазақстан Республикасының кейбір нормативтiк құқықтық актілеріне қаржы нарығын және қаржы ұйымдарын реттеу мен қадағалау бойынша өзгерістер мен толықтырулар енгізу туралы
Қазақстан Республикасының Қаржы нарығын және қаржы ұйымдарын реттеу мен қадағалау жөніндегі агенттігі Басқармасының 2010 жылғы 3 қыркүйектегі № 131 Қаулысы
Осы редакция 2012 жылғы 26 наурызда енгізілген өзгерістеріне дейін қолданылды
17. Агенттік Басқармасының «Номиналды ұстаушы ретiнде клиенттiң шоттарын жүргiзу құқығымен брокерлiк және дилерлiк қызмет пен банк операцияларының жекелеген түрлерiн жүзеге асыратын ұйымдардың пруденциалдық нормативтердi орындауы жөніндегі есеп беру ережесін бекіту туралы» 2006 жылғы 17 маусымдағы № 142 қаулысына (Нормативтiк құқықтық актiлердi мемлекеттік тiркеу тiзiлiмiнде № 4300 тiркелген) мынадай толықтырулар мен өзгерістер енгізілсін:
Осы қаулымен бекітілген, Номиналды ұстаушы ретiнде клиенттiң шоттарын жүргiзу құқығымен брокерлiк және дилерлiк қызмет пен банк операцияларының жекелеген түрлерiн жүзеге асыратын ұйымдардың пруденциалдық нормативтердi орындауы жөніндегі есеп беру ережесінде:
3, 3-1-тармақтар мынадай редакцияда жазылсын:
«3. Осы Ереженiң 1, 2, 3, 4, 5, 6, 7-қосымшаларында көрсетiлген есептер есепті күнгі жағдай бойынша қағаз тасымалдағышта брокердің және (немесе) дилердің бірінші басшысы (ол жоқ болған кезеңде - оның орнындағы адам), бас бухгалтері қол қойып мөрмен куәландырылады және уәкілетті органға ұсынылады, сондай-ақ ұйымда сақталады.
