ҚР Ішкі істер министрінің 2015 жылғы 9 ақпандағы № 94 бұйрығымен күші жойылды
Ішкі істер министрінің
2011 жылғы 27 қазандағы
№ 565 бұйрығымен бекітілген
№ 3 қосымша
Қазақстан Республикасы Ішкі істер министрлігінің Ішкі әскерлер комитеті туралы
ереже
1. Жалпы ережелер
1. Қазақстан Республикасы Ішкі істер министрлігінің Ішкі әскерлер комитеті (бұдан әрі - Комитет) Ішкі істер министрлігінің (бұдан әрі - Министрлік) ведомствосы, бейбіт және соғыс уақытында Ішкі әскерлерді әскери басқару органы болып табылады.
2. Комитет өз қызметін Қазақстан Республикасының Конституциясы мен заңдарына, Қазақстан Республикасының Президенті мен Үкіметінің актілеріне, Қазақстан Республикасының халықаралық шарттарына, өзге де нормативтік құқықтық актілерге, сондай-ақ осы Ережеге сәйкес жүзеге асырады.
3. Комитеттің құрылымы мен штат санын Ішкі істер министрімен келісілгеннен кейін жауапты хатшы немесе жауапты хатшының өкілеттігін жүзеге асыратын лауазымды тұлға Қазақстан Республикасының Үкіметі бекіткен Министрліктің штат санының лимиті шегінде бекітеді.
4. Комитет мыналардан тұрады:
1) Қолбасшылық
2) Бас штаб:
Жедел басқарма;
Жауынгерлік қызмет басқармасы;
Ұйымдастыру-жұмылдыру басқармасы;
Байланыс басқармасы;
Автоматтандыру басқармасы;
Хатшылық басқармасы;
Маңызды мемлекеттік объектілерді күзетуді ұйымдастыру бөлімі;
Мемлекеттік құпияларды қорғау бөлімі;
Барлау қызметі;
Кезекшілік қызметі.
3) Жауынгерлік даярлық басқармасы.
4) Тәрбие және әлеуметтік-құқықтық жұмыстар басқармасы.
5) Әскери полиция басқармасы.
6) Заң басқармасы.
7) Кадр және әскери білім басқармасы.
8) Техника және қару-жарақ басқармасы.
9) Тыл басқармасы.
10) Мемлекеттік сатып алу басқармасы.
11) Әскери медицина басқармасы.
12) Бюджет-қаржы басқармасы.
5. Комитет мемлекеттік мекеменің ұйымдастырушылық-құқықтық нысанындағы заңды тұлға болып табылады, мемлекеттік тілдегі өз атауы бар мөрлері мен мөртаңбалары, белгіленген үлгідегі бланктері бар, сондай-ақ заңнамаға сәйкес Қазақстан Республикасы Қаржы министрлігінің Қазынашылық органдарында шоты болуы мүмкін.
