ҚР Ішкі істер министрінің 2015 жылғы 9 ақпандағы № 94 бұйрығымен күші жойылды
Қазақстан Республикасы
Ішкі істер министрінің
2011 жылғы 27 қазандағы
№ 565 бұйрығымен бекітілген
№ 6 қосымша
Қазақстан Республикасы Ішкі істер министрлігінің Көші-қон полициясы комитеті туралы
ереже
(2014.04.05. берілген толықтырулармен)
1. Жалпы ереже
1. Қазақстан Республикасы Ішкі істер министрлігінің Көші-қон полициясы комитеті (бұдан әрі - Комитет) Ішкі істер министрлігінің (бұдан әрі - Министрлік) құзыреті шегінде халықтың көші-қоны саласында, сондай-ақ босқындар мәселелері бойынша мемлекеттік саясатты іске асыруды жүзеге асыратын ведомство болып табылады.
2. Комитет өзінің қызметінде Қазақстан Республикасының Конституциясын, заңдарын, Қазақстан Республикасы Президентінің және Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Комитет мемлекеттік мекеменің ұйымдастырушылық-құқықтық нысанындағы заңды тұлға болып табылады, өзінің атауы мемлекеттік тілде жазылған мөрі мен мөртаңбалары, белгіленген үлгідегі бланкілері, сондай-ақ заңнамаға сәйкес Қазақстан Республикасы Қаржы министрлігінің Қазынашылық органдарында есеп шоттары болады.
Комитет өзінің атынан азаматтық-құқықтық қатынастарға түсуге құқылы.
4. Комитет өзінің құзыретіндегі мәселелер бойынша заңнамада белгіленген тәртіппен бұйрықтар нысанындағы құқықтық актілер шығарады.
5. Комитеттің заңды мекенжайы:
010000, Астана қаласы, Тәуелсіздік көшесі, 1/1 үй.
6. Комитеттің толық атауы - «Қазақстан Республикасы Ішкі істер министрлігінің Көші-қон полициясы комитеті» мемлекеттік мекемесі.
7. Осы Ереже Комитеттің құрылтай құжаты болып табылады.
8. Комитеттің қызметін қаржыландыру тек қана республикалық бюджеттің қаражаты есебінен жүзеге асырылады.
9. Комитетке кәсіпкерлік субъектілермен Комитеттің функциялары болып табылатын міндеттерді орындау мәніне шарттық қатынастарға түсуге тыйым салынады.
