Қазақстан Республикасы Ішкі істер министрлігінің Техникалық қызмет департаменті туралы ереже (Қазақстан Республикасы Ішкі істер министрінің 2011 жылғы 27 қазандағы № 565 бұйрығына 16-қосымша) (күші жойылды)

ҚР Ішкі істер министрінің 2014.29.07. № 477 бұйрығымен күші жойылды

Қазақстан Республикасы

Ішкі істер министрінің

2011 жылғы 27 қазандағы

№ 565 бұйрығымен бекітілген

№ 16 қосымша

Қазақстан Республикасы Ішкі істер министрлігінің Техникалық қызмет департаменті туралы
 ереже


1. Жалпы ережелер

1. Қазақстан Республикасы Ішкі істер министрлігінің Техникалық қызмет департаменті (бұдан әрі - ТҚД немесе Департамент) ішкі істер органдары жүйесі бөліністерінің қызметін ақпараттық-техникалық және телекоммуникациялық сүйемелдеу жөніндегі жұмыстарды ұйымдастыру және үйлестіру, олардың ақпараттық қауіпсіздігін қамтамасыз ету, есепке алу-тіркеу тәртібін сақтауды бақылау және ведомстволық статистикалық есепті қалыптастыру мақсатында құрылған, Ішкі істер министрлігінің (бұдан әрі - ІІМ немесе министрлік) дербес құрылымдық бөлінісі болып табылады.

2. Департамент өз қызметінде Қазақстан Республикасының Конституциясын, заңдарын, Қазақстан Республикасы Президентінің және Үкіметінің актілерін, өзге де нормативтік құқықтық актілерді, сондай-ақ осы ережені басшылыққа алады.

3. Департаменттің құрылымын, штаттық санын Қазақстан Республикасының заңнамасымен белгіленген тәртіпте Ішкі істер министрі бекітеді.

4. Департамент:

1) басшылықтан;

2) ұйымдастырушылық-әдістемелік бөлімінен;

3) Криминалдық ақпарат басқармасынан;

4) Пайдалану басқармасынан;

5) Өңірлермен жұмыс басқармасынан;

6) Озық технологиялар басқармасынан;

7) Ақпараттық қауіпсіздік басқармасынан;

8) Есепке алу-тіркеу тәртібін бақылау басқармасынан;

9) кеңседен тұрады.

2. Департаменттің негізгі міндеттері, функциялары, құқықтары