Техникалық реттеу және метрология саласында көрсетілетін мемлекеттік қызмет регламенттерін бекіту туралы
Қазақстан Республикасы Премьер-Министрінің орынбасары - Индустрия және жаңа технологиялар министрінің 2014 жылғы 5 мамырдағы № 153 бұйрығы
ҚР Инвестициялар және даму министрінің м.а. 2015 жылғы 24 тамыздағы № 880 бұйрығымен күші жойылды
«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасының Заңы 16-бабының 2-тармағына сәйкес БҰЙЫРАМЫН:
1. Қоса беріліп отырғандар бекітілсін:
1) осы бұйрықтың 1-қосымшасына сәйкес «Метрологиялық аттестаттау туралы сертификат беру» көрсетілетін мемлекеттік қызмет регламенті;
2) осы бұйрықтың 2-қосымшасына сәйкес «Өлшем құралдарының типін бекіту туралы сертификат беру» көрсетілетін мемлекеттік қызмет регламенті;
3) осы бұйрықтың 3-қосымшасына сәйкес «Сәйкестікті растау, аккредиттеу, тауардың шығарылған елін, Кеден одағы тауарының немесе шетел тауарының мәртебесін айқындау жөніндегі сарапшы-аудиторды аттестаттау» көрсетілетін мемлекеттік қызмет регламенті;
4) осы бұйрықтың 4-қосымшасына сәйкес «Қазақстан Республикасының Мемлекеттік Туын және Қазақстан Республикасының Мемлекеттік Елтаңбасын дайындау үшін лицензия беру, қайта ресімдеу, лицензияның телнұсқаларын беру» көрсетілетін мемлекеттік қызмет регламенті;
