Еуразиялық экономикалық
одақ туралы шартқа
№ 5 ҚОСЫМША
2019 ж. 1 қазандағы Хаттамамен мәтін бойынша тиісті жекеше, көпше түрдегі және септеудегі «төлеуші» деген сөз алып тасталды (2021 ж. 1 тамыздан бастап күшіне енді) (бұр.ред.қара)
Кедендік әкелу баждарының (өзге де баждар, балама әрекеті бар салықтар мен алымдар)
сомаларын есепке алу және бөлу, оларды мүше мемлекеттер бюджеттерінің кірісіне аудару тәртібі туралы
хаттама
(2024.25.04. берілген өзгерістер мен толықтырулармен)
2022 ж. 31 наурыздағы Хаттамамен 1-тармақ өзгертілді (2024 ж. 12 ақпанда күшіне енді) (бұр.ред.қара)
1. Осы Хаттама Еуразиялық экономикалық одақ туралы шарттың 26-бабына сәйкес әзірленді және Одақтың кедендік аумағына әкелінетін тауарларға қатысты кедендік әкелу баждарының сомаларын төлеу міндеті - 2010 жылғы 1 қыркүйектен бастап, ал көрсетілген Шартқа қосылған жаңа мүшелер үшін осы Хаттама қолданыла бастаған күннен бастап туындаған кедендік әкелу баждарының сомаларын есепке алу және мүше мемлекеттер арасында бөлу тәртібін айқындайды.
Осы Хаттама Одақтың кедендік құқықтық қатынастарды реттейтін халықаралық шарттар мен Одақтың құқығын құрайтын актілерге сәйкес көзделген жағдайларда және тәртіппен кедендік әкелу баждарының сомаларына есепке жатқызылған өсімпұлдар (пайыздар) сомаларына да қатысты қолданылады.
2023 ж. 25 мамырдағы Хаттамамен 2-тармақ өзгертілді (2024 ж. 25 сәуірде күшіне енді) (бұр.ред.қара)
2. Осы Хаттамада пайдаланылатын ұғымдар мыналарды білдіреді:
«уәкілетті органның бірыңғай шоты» - түсімдерді осы мүше мемлекеттің бюджеттеріне есепке алу және олардың арасында бөлу үшін уәкілетті орган үшін ұлттық (орталық) банкте немесе ұлттық (орталық) банкте корреспонденттік шоты (бірыңғай қазынашылық шоты) бар уәкілетті органда ашылған шот;
«есеп беру күні» - кедендік әкелу баждарының сомаларын уәкілетті органның бірыңғай шотына есепке алу жүзеге асырылатын мүше мемлекеттің жұмыс күні;
