ҚР Денсаулық сақтау және әлеуметтік даму министрінің 2015 жылғы 29 мамырдағы № 416 бұйрығымен күші жойылды
Қазақстан Республикасы
Денсаулық сақтау министрінің
2014 жылғы 26 мамырдағы
№ 282 бұйрығына
6-қосымша
«Дәрілік заттарды, медициналық мақсаттағы бұйымдар мен медициналық техниканы мемлекеттік тіркеу, қайта тіркеу және олардың тіркеу құжаттамасына өзгерістер енгізу»
мемлекеттік көрсетілетін қызмет регламенті
1. Жалпы ережелер
1. «Дәрілік заттарды, медициналық мақсаттағы бұйымдар мен медициналық техниканы мемлекеттік тіркеу, қайта тіркеу және олардың тіркеу құжаттамасына өзгерістер енгізу» мемлекеттік қызметін 2009 жылы 18 қыркүйекте қабылданған «Халықтың денсаулығы және денсаулық сақтау жүйесі туралы» Қазақстан Республикасының Кодексінің 71-бабы негізінде, сондай-ақ 2014 жылғы № 142 «Дәрілік заттарды, медициналық мақсаттағы бұйымдар мен медициналық техниканы мемлекеттік тіркеу, қайта тіркеу және олардың тіркеу құжаттамасына өзгерістер енгізу» Мемлекеттік қызметі стандартына (бұдан әрі - Стандарт) сәйкес «Қазақстан Республикасы Денсаулық сақтау министрлігі Медициналық және фармацевтикалық қызметті бақылау комитетінің Алматы қаласы бойынша департаменті» мемлекеттік мекемесі (бұдан әрі - көрсетілетін қызметті беруші) көрсетеді.
2. Мемлекеттік қызмет көрсетудің нысаны электрондық (ішінара автоматтандырылған) және (немесе) қағаз нұсқада Мемлекеттік қызметті көрсетуге құжаттар қабылдау мен мемлекеттік қызметті көрсету нәтижелерін беру қызметті көрсетушінің кеңсесі немесе «Электрондық үкімет» веб-порталы арқылы жүзеге асырылады.
3. Мемлекеттік қызметті көрсету нысаны: қағаз жүзінде және (немесе) электрондық түрде (ішінара автоматтандырылған).
