Қазақстан Республикасы
Ішкі істер министрінің
2014 жылғы 29 шілдедегі
№ 477 бұйрығына
8-қосымша
Қазақстан Республикасы Ішкі істер министрлігінің Техникалық қызмет департаменті туралы
ереже
1. Жалпы ережелер
1. Қазақстан Республикасы Ішкі істер министрлігінің Техникалық қызмет департаменті (бұдан әрі - ТҚД) ішкі істер органдары бөліністерінің қызметін техникалық және телекоммуникациялық сүйемелдеу, олардың ақпараттық қауіпсіздігін қамтамасыз ету жөніндегі жұмыстарды ұйымдастыру және үйлестіру мақсатында құрылған Ішкі істер министрлігінің (бұдан әрі - ІІМ) дербес құрылымдық бөлінісі болып табылады.
2. ТҚД өз қызметінде Қазақстан Республикасының Конституциясын, заңдарын, Қазақстан Республикасы Президентінің және Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. ТҚД-ның құрылымын, штаттық санын Қазақстан Республикасының заңнамасында белгіленген тәртіппен Ішкі істер министрі бекітеді.
4. ТҚД:
1) басшылықтан;
2) ұйымдастырушылық қамтамасыз ету және бақылау бөлімінен;
3) Ақпараттық қауіпсіздік басқармасынан;
4) Пайдалану басқармасынан;
5) Өңірлермен жұмыс басқармасынан;
6) Озық технологиялар басқармасынан тұрады.
2. ТҚД-нің негізгі міндеттері, функциялары, құқықтары мен міндеттемелері
5. Міндеті: ақпараттық қауіпсіздік технологиялары мен талаптарының қазіргі заманғы даму деңгейін ескере отырып, ішкі істер органдарын техникалық және телекоммуникациялық қамтамасыз ету саласында бірыңғай саясат қалыптастыру және жүзеге асыру, оның принциптерінің сақталуын және негізгі бағыттарының іске асырылуын бақылау.
Функциялары:
1) ішкі істер органдарының телекоммуникациялық кешенінің перспективті және ағымдағы дамуын айқындайтын тұжырымдамалық және бағдарламалық құжаттарды, оны дамытудың қағидаттары мен негізгі бағыттарын әзірлейді, оларды іске асыру барысын бақылауды жүзеге асырады;
