Қазақстан Республикасы
Ішкі істер министрінің
2014 жылғы 29 шілдедегі
№ 477 бұйрығына
10-қосымша
Қазақстан Республикасы Ішкі істер министрлігінің Жедел-криминалистикалық департаменті туралы
ереже
1. Жалпы ережелер
1. Жедел-криминалистикалық департамент (бұдан әрі - Департамент) Қазақстан Республикасы Ішкі істер министрлігінің дербес (бұдан әрі - ІІМ) дербес құрылымдық бөлінісі болып табылады.
2. Департамент өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Департаменттің құрылымын, штаттық санын Қазақстан Республикасының заңнамасында белгіленген тәртіппен Ішкі істер министрі бекітеді.
4. Департамент:
1) Басшылықтан;
2) Тергеу әрекеттерін және жедел-іздестіру іс-шараларын техникалық-криминалистикалық қамтамасыз ету басқармасынан;
3) Криминалистикалық және арнайы зерттеулер басқармасынан;
4) Жедел-криминалистикалық бөліністердің (бұдан әрі - ЖКБ) қызметін ұйымдастыру және есептер басқармасынан тұрады.
2. Департаменттің негізгі тапсырмалары, функциялары, құқықтары мен міндеттері
5. Тапсырма: ішкі істер органдарының (бұдан әрі - ІІО) тергеу және жедел-іздестіру жұмысына криминалистикалық құралдар мен әдістерді енгізу, қылмыстардың алдын алуда, ашуда және тергеуде оларды пайдалануды қамтамасыз ету.
Функциялар:
1) Департамент қызметкерлерінің мамандар ретінде тергеу әрекеттеріне және жедел-іздестіру іс-шараларына қатысуы;
2) ІІО-ның криминалистикалық бөліністері қызметкерлерінің тергеу әрекеттеріне және жедел-іздестіру іс-шараларына қатысу әдістерін талдау. Республикалық және өңірлік криминалистикалық есептерді, криминалистикалық құралдар мен әдістерді пайдаланудың нәтижелілігін бағалау;
3) практикалық материалдарды және бөліністер қызметінің өзге де нысандарын талдау негізінде қылмыстарды жасауға ықпал ететін жағдайларды анықтау және оларды жою бойынша ұсыныстар әзірлеу;
