Қазақстан Республикасы
Ішкі істер министрінің
2014 жылғы 29 шілдедегі
№ 478 бұйрығына
35-қосымша
Ішкі істер департаментінің Әкімшілік полиция басқармасы туралы
үлгілік ереже
1. Жалпы ережелер
1. Әкімшілік полиция басқармасы (бұдан әрі - Басқарма) Астана, Алматы, облыстардың және Көліктегі ішкі істер департаменттерінің (бұдан әрі - ІІД, КІІД) құрылымдық бөлінісі болып табылады.
2. Басқарма өз қызметінде Қазақстан Республикасының Конституциясын, заңдарын, Қазақстан Республикасы Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Басқарманың құрылымы және штаттық санын Қазақстан Республикасының заңнамасымен белгіленген тәртіппен Қазақстан Республикасы Ішкі істер министрі бекітеді.
4. Басқарма:
1) __________________________________________;
2) __________________________________________;
3) __________________________________________ тұрады.
2. Басқарманың негізгі міндеттері, функциялары, құқықтары және міндеттемелері
5. Міндеті: әкімшілік полиция қызметтерінің жұмысын ұйымдастыру, сондай-ақ Басқарма қызметін ақпараттық-аналитикалық және үйлестірушілік қамтамасыз ету, әкімшілік полиция қызметтерінің жұмысын бақылау, сондай-ақ Басқарма басшылығының шешімдері, бұйрықтары мен нұсқауларының талаптарын дәл, толық және уақтылы орындауды бақылау, Басқармадағы құпия тәртібін қамтамасыз ету;
Функциясы:
1) әкімшілік полиция қызметтерінің жұмысын Басқарма қызметіне қатысты мәселелер бойынша үйлестіреді, Басқарманың құрылымдық бөліністері ұсынатын жедел-қызметтік жұмыс қорытындылары, профилактикалық жұмыс ахуалы, заңдылықты сақтау, қалыптасқан жағдай, қол астындағы аумақтық құрылымдарды инспекциялау, сондай-ақ өткізіліп жатқан жедел-профилактикалық іс-шаралар туралы ақпаратты жинақтайды және талдайды;
