Қазақстан Республикасы
Қаржы министрінің
2018 жылғы 19 наурыздағы
№ 392 бұйрығына
2-қосымша
Осы редакция 2023 жылғы 18 қыркүйекте енгізілген өзгерістеріне дейін қолданылды
Ішкі аудит қызметтерінің ішкі мемлекеттік аудит және қаржылық бақылау жүргізу
қағидалары
(2023.31.01. берілген өзгерістер мен толықтыруларымен)
1-тарау. Жалпы ережелер
ҚР Қаржы министрінің 2018.29.12. № 1133 бұйрығымен (бұр.ред.қара); 2021.14.07. № 677 бұйрығымен (бұр.ред.қара) 1-тармақ жаңа редакцияда
1. Осы ішкі аудит қызметтерінің ішкі мемлекеттік аудит және қаржылық бақылау жүргізу қағидалары (бұдан әрі - Қағидалар) «Мемлекеттік аудит және қаржылық бақылау туралы» Қазақстан Республикасының Заңының (бұдан әрі - Заң) 14-бабының 8) тармақшасына сәйкес әзірленді және Қазақстан Республикасы Ұлттық Банкінің ішкі аудит қызметін қоспағанда, бірінші басшысының қарауы бойынша штат саны шеңберінде құрылатын орталық мемлекеттік органдардың, орталық мемлекеттік органдар ведомстволары (құрылған болса), Қазақстан Республикасы Ішкі істер министрлігі ведомстволық бағынысты аумақтық органдарының, облыстардың, республикалық маңызы бар қалалардың, астананың жергілікті атқарушы органдарының ішкі аудит қызметтерінің (бұдан әрі - ішкі аудит қызметтері) ішкі мемлекеттік аудит және қаржылық бақылау жүргізу тәртібін анықтайды.
ҚР Премьер-Министрінің Бірінші орынбасары - ҚР Қаржы министрінің 2019.28.02. № 146 бұйрығымен 2-тармақ өзгертілді (бұр.ред.қара)
2. Қағидаларда мынадай негізгі ұғымдар пайдаланылады:
1) аудиторлық дәлелдемелер - мемлекеттік аудиторлардың жұмыстағы бұзушылықтардың және (немесе) кемшіліктердің бар немесе жоқ екенін анықтауына негіз болатын, заңдылығы, дәйектілігі және қолжетімділігі ескерілген нақты деректер, сондай-ақ аудиторлық есепте жазылған фактілерді растайтын өзге материалдар;
2) аудиторлық рәсімдер - аудит бағдарламасына сәйкес аудиторлық іс-шара барысында жүзеге асырылатын, аудиторлық іс-шара мақсаттарына қол жеткізу үшін қажет іс-қимылдар;
