Қазақстан Республикасы
Ғылым және жоғары білім
министрінің
2024 жылғы 27 қыркүйектегі
№ 464 бұйрығына 8-қосымша
Электрондық ресурстарға қол жеткізу құқықтарының аражігін ажырату
қағидалары
1 тарау. Жалпы ережелер
1. Осы электрондық ресурстарға қол жеткізу құқықтарының аражігін ажырату қағидалары (бұдан әрі - қағидалар) ҚР СТ ИСО/МЭК 17799-2006 «Ақпараттық технология. Ақпаратты қорғауды басқару жөніндегі қағидалар жинағын қорғауды қамтамасыз ету әдістері» және ҚР СТ ИСО/МЭК 27001-2008 «Ақпараттық технология. Қауіпсіздікті қамтамасыз ету әдістері мен құралдары. «Ақпараттық қауіпсіздікті басқару жүйелері» Қазақстан Республикасының Ғылым және жоғары білім министрлігі мен оның ведомстволарында (бұдан әрі - Министрлік) ақпараттық жүйелерде пайдаланушыларды тіркеу процесін регламенттейді.
2. Қағидаларда пайдаланылған терминдер:
1) ақпараттық қауіпсіздік (бұдан әрі - АҚ) - мемлекеттік ақпараттық ресурстар мен жүйелердің қорғалуының жай-күйі, ақпараттың құпиялылығын, тұтастығын және қолжетімділігін қамтамасыз ету;
2) ақпараттық жүйе (бұдан әрі - АЖ)-ақпараттық өзара іс-қимыл арқылы белгілі бір технологиялық әрекеттерді іске асыратын және нақты функционалдық міндеттерді шешуге арналған ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдастырылып ретке келтірілген жиынтығы;
3) Ақпараттық қауіпсіздік, мемлекеттік құпияларды қорғау және жұмылдыру жұмысы департаменті (бұдан әрі - АҚМҚҚЖЖД);
4) техникалық қызмет көрсету қызметі (бұдан әрі - ТҚҚ) - шарттық негізде тартылатын, серверде және есептеу техникасы құралдарында бағдарламалық қамтылымның дұрыс және үздіксіз жұмыс істеуі, күйге келтірілуі үшін жауапты қызмет көрсететін ұйымдар.
2 тарау. Пайдаланушыларды тіркеу рәсімі
