«Топырақты бонитерлеуді жүргізу әдістемесін бекіту туралы» Қазақстан Республикасы Ауыл шаруашылығы министрінің 2022 жылғы 26 қазандағы № 342 бұйрығына өзгерістер мен толықтырулар енгізу туралы
Қазақстан Республикасы Ауыл шаруашылығы министрінің 2025 жылғы 24 маусымдағы № 205 бұйрығы
БҰЙЫРАМЫН:
1. Қазақстан Республикасы Ауыл шаруашылығы министрінің 2022 жылғы 26 қазандағы № 342 «Топырақты бонитерлеуді жүргізу әдістемесін бекіту туралы» бұйрығына (Нормативтік құқықтық актілерді мемлекеттік тіркеу тізілімінде № 30350 болып тіркелген) мынадай өзгерістер мен толықтырулар енгізілсін:
көрсетілген бұйрықпен бекітілген Топырақты бонитерлеуді жүргізу әдістемесінде:
3 және 4-тармақтар мынадай редакцияда жазылсын:
«3. Топырақты бонитирлеу мемлекеттік жер кадастрының құрамдас бөлігі болып табылады.
Топырақты бонитирлеуді «Қазақстан Республикасы Ауыл шаруашылығы министрлігі Жер ресурстарын басқару комитетінің «Жерлерге зерттеп-қарау жұмыстарын жүргізу мемлекеттік институты» шаруашылық жүргізу құқығындағы республикалық мемлекеттік кәсіпорны (бұдан әрі - Шаруашылық жүргізу құқығындағы республикалық мемлекеттік кәсіпорын) жүзеге асырады.
4. Топырақты бонитирлеуге меншік нысанына және оларға шаруашылық жүргізу нысанына тиесілілігіне қарамастан, барлық ауыл шаруашылығы алқаптары (егістіктер, тыңайған жерлер, көпжылдық екпелер алып жатқан жерлер, шабындықтар мен жайылымдар), елді мекендерден тыс орналасқан ауыл шаруашылығы мақсатындағы жерлер мен өнеркәсіп, көлік, байланыс, қорғаныс және ауыл шаруашылығына арналмаған өзге де жерлер жатады.»;
мынадай мазмұндағы 8-1-тармақпен толықтырылсын:
