«Тарифтерді қалыптастыру қағидаларын бекіту туралы» Қазақстан Республикасы Ұлттық экономика министрінің 2019 жылғы 19 қарашадағы № 90 бұйрығына өзгерістер мен толықтыру енгізу туралы
Қазақстан Республикасы Ұлттық экономика министрінің 2021 жылғы 27 желтоқсандағы № 108 бұйрығы
БҰЙЫРАМЫН:
1. «Тарифтерді қалыптастыру қағидаларын бекіту туралы» Қазақстан Республикасы Ұлттық экономика министрінің 2019 жылғы 19 қарашадағы № 90 бұйрығына (Нормативтік құқықтық актілерді мемлекеттік тіркеу тізілімінде № 19617 болып тіркелген) мынадай өзгерістер мен толықтыру енгізілсін:
бұйрықтың кіріспесі мынадай редакцияда жазылсын:
«Табиғи монополиялар туралы» Қазақстан Республикасы Заңының 8-бабының 5) тармақшасына және «Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:»;
көрсетілген бұйрықпен бекітілген Тарифтерді қалыптастыру қағидаларында:
1-тармақтың бірінші абзацы мынадай редакцияда жазылсын:
«1. Осы Тарифтерді қалыптастыру қағидалары (бұдан әрі - Қағидалар) «Табиғи монополиялар туралы» Қазақстан Республикасы Заңының (бұдан әрі - Заң) 8-бабының 5) тармақшасына сәйкес әзірленді және:»;
15-тармақтың екінші бөлігі мынадай редакцияда жазылсын:
«Заңның 20-бабының 5-тармағында көзделген жағдайда, Заңның 20-бабының 1-тармағында көрсетілген субъектілер үшін шығындық әдісті қолдана отырып тарифті бекіту кезінде алдыңғы күнтізбелік бір жыл үшін осы тармақтың 6) және 7) тармақшаларында көзделген құжаттар олар болған жағдайда және осы тармақтың бірінші бөлігінің 4) тармақшасында көзделген құжаттар қоса беріледі.»;
16-тармақтың бірінші абзацы мынадай редакцияда жазылсын:
«16. Топтар бойынша сараланған тұтынушылар санының азаюына байланысты ұсынылған көрсетілген қызметтер көлемі өзгерген кезде сумен жабдықтау және (немесе) су бұру саласындағы реттеліп көрсетілетін қызметтерге тарифтерді бекітуге арналған өтінімге:»;
23-тармақ мынадай редакцияда жазылсын:
