«Елді мекендерге арналған өңірлік стандарттар жүйесін әзірлеу қағидаларын және Елді мекендерге арналған өңірлік стандарттар жүйесіне мониторинг жүргізу қағидаларын бекіту туралы» Қазақстан Республикасы Премьер-Министрінің орынбасары - Ұлттық экономика министрінің 2025 жылғы 23 маусымдағы № 56 бұйрығына өзгерістер мен толықтырулар енгізу туралы
Қазақстан Республикасы Премьер-Министрінің орынбасары - Ұлттық экономика министрінің 2026 жылғы 5 тамыздағы № 121 бұйрығы
БҰЙЫРАМЫН:
1. «Елді мекендерге арналған өңірлік стандарттар жүйесін әзірлеу қағидаларын және Елді мекендерге арналған өңірлік стандарттар жүйесіне мониторинг жүргізу қағидаларын бекіту туралы» Қазақстан Республикасы Премьер-Министрінің орынбасары - Ұлттық экономика министрінің 2025 жылғы 23 маусымдағы № 56 бұйрығына мынадай өзгерістер мен толықтырулар енгізілсін:
осы бұйрықпен бекітілген Елді мекендерге арналған өңірлік стандарттар жүйесін әзірлеу қағидаларында:
4-тармақтың 1) және 2) тармақшалары мынадай редакцияда жазылсын:
«1) бірінші кезеңде автоматтандырылған жүйе арқылы жергілікті атқарушы органдар (төменгі деңгейден жоғарғы деңгейге дейін) елдің қалалық және ауылдық елді мекендерінің, оның ішінде ауылдардың, ауылдық округтер орталықтарының, аудан орталықтарының, аудандық маңызы бар қалалардың, республикалық және облыстық маңызы бар қалалардың объектілермен және көрсетілетін қызметтермен (игіліктермен) қамтамасыз етілуі бойынша деректерді кезең-кезеңмен жинауды жүзеге асырады.
Астананың, облыстардың, республикалық маңызы бар қалалардың, жергілікті атқарушы органдары есепті жылдан кейінгі жылдың 20 қаңтарынан кешіктірмей, салалық орталық мемлекеттік органдарға елдің қалалық және ауылдық елді мекендерінің объектілермен және көрсетілетін қызметтермен (игіліктермен) қамтамасыз етілуі жөніндегі және бағыттар мен көрсеткіштер тізбесіне сәйкес бағыттар бөлінісінде объектілерді салу, жөндеу және жинақтау қажеттіліктері жөніндегі деректерді жібереді.
