«Биоәртүрлілік шығынының орнын толтыруды орындау қағидаларын бекіту туралы» Қазақстан Республикасы Экология, геология және табиғи ресурстар министрінің 2021 жылғы 19 мамырдағы № 151 бұйрығына өзгерістер енгізу туралы
Қазақстан Республикасы Экология және табиғи ресурстар министрінің 2025 жылғы 15 қазандағы № 277 бұйрығы
БҰЙЫРАМЫН:
1. «Биоәртүрлілік шығынының орнын толтыруды орындау қағидаларын бекіту туралы» Қазақстан Республикасы Экология, геология және табиғи ресурстар министрінің 2021 жылғы 19 мамырдағы № 151 бұйрығына (Нормативтік құқықтық актілерді мемлекеттік тіркеу тізілімінде № 22849 болып тіркелген) мынадай өзгерістер енгізілсін:
көрсетілген бұйрықпен бекітілген Биоәртүрлілік шығынының орнын толтыруды орындау қағидаларында (бұдан әрі - Қағидалар):
Қағидалардың 9-тармағының 2) тармақшасына жаңа редакцияда жазылсын:
«2) ғылыми зерттеулер нәтижелері негізінде қоршаған орта үшін осындай биоәртүрліліктің неғұрлым маңызды мәні бар сол аумақта және (немесе) басқа аумақта биоәртүрлілік түрінің бірдей немесе басқасын енгізу.»;
Қағидалардың 12 және 13 -тармақтары жаңа редакцияда жазылсын:
«12. Жүзеге асырылған қызмет нәтижесінде жоғалған Биоәртүрлілікті қалпына келтіру биологиялық жүйенің осы компоненттері бұрын болған аумақта биологиялық жүйенің жоғалған компоненттерін (топырақ, ландшафт, өсімдіктер, ағаштар, жәндіктер, жануарлар) жасанды түрде қалпына келтіру арқылы іске асырылады.
