«Қазақстан Республикасының Консулдық жарғысын бекіту туралы» Қазақстан Республикасы Президентінің 2016 жылғы 25 сәуірдегі № 240 Жарлығына өзгерістер мен толықтыру енгізу туралы» Қазақстан Республикасы Президентінің 2021 жылғы 9 наурыздағы № 532 Жарлығы

ҚАЗАҚСТАН РЕСПУБЛИКАСЫ ПРЕЗИДЕНТІНІҢ

 ЖАРЛЫҒЫ

«Қазақстан Республикасының Консулдық жарғысын бекіту туралы» Қазақстан Республикасы Президентінің 2016 жылғы 25 сәуірдегі № 240 Жарлығына өзгерістер мен толықтыру енгізу туралы

ҚАУЛЫ ЕТЕМІН:

1. «Қазақстан Республикасының Консулдық жарғысын бекіту туралы» Қазақстан Республикасы Президентінің 2016 жылғы 25 сәуірдегі № 240 Жарлығына (Қазақстан Республикасының ПҮАЖ-ы, 2016 ж., № 23-24, 128 құжат) мынадай өзгерістер мен толықтыру енгізілсін:

кіріспе мынадай редакцияда жазылсын:

«Қазақстан Республикасының дипломатиялық қызметі туралы» 2002 жылғы 7 наурыздағы Қазақстан Республикасының Заңы 1-бабының 5) тармақшасы екінші бөлігіне сәйкес ҚАУЛЫ ЕТЕМІН:»;

37-тармақ мынадай мазмұндағы 16-1) тармақшамен толықтырылсын:

«16-1) заңдық мәні бар өзге де құжаттар (анықтамалар) беру;»;

38-тармақ мынадай редакцияда жазылсын:

«38. Қазақстан Республикасының салық заңнамасына сәйкес консулдық іс-әрекеттер жасағаны үшін консулдық алым алынады.»;

48-тармақтың 3) тармақшасы мынадай редакцияда жазылсын: