«Азаматтық хал актілерін мемлекеттік тіркеу актісі кітаптарының нысандарын және осы кітаптардағы жазбалардың негізінде берілетін куәліктердің нысандарын бекіту туралы» Қазақстан Республикасы Әділет министрінің 2015 жылғы 12 қаңтардағы № 9 бұйрығына өзгерістер мен толықтырулар енгізу туралы
Қазақстан Республикасы Әділет министрінің 2022 жылғы 21 қыркүйектегі № 794 бұйрығы
БҰЙЫРАМЫН:
1. «Азаматтық хал актілерін мемлекеттік тіркеу актісі кітаптарының нысандарын және осы кітаптардағы жазбалардың негізінде берілетін куәліктердің нысандарын бекіту туралы» Қазақстан Республикасы Әділет министрінің 2015 жылғы 12 қаңтардағы № 9 бұйрығына (Нормативтік құқықтық актілердің мемлекеттік тіркеу тізілімінде № 10173 болып тіркелді) мынадай өзгерістер мен толықтыраулар енгізілсін:
көрсетілген бұйрықтың тақырыбы мынадай редакцияда жазылсын:
«Азаматтық хал актілерін мемлекеттік тіркеу туралы электрондық және қағаз жеткізгіштегі акт жазбаларының, куәліктер мен анықтамалардың нысандарын бекіту туралы»;
көрсетілген бұйрықтың кіріспесі мынадай редакцияда жазылсын:
«Неке (ерлі-зайыптылық) және отбасы туралы» Қазақстан Республикасының 2011 жылғы 26 желтоқсандағы Кодексінің 181-6абы 2-тармағына сәйкес, БҰЙЫРАМЫН:»;
көрсетілген бұйрықтың 1-тармағы жаңа редакцияда жазылсын:
«1. Қоса беріліп отырған:
1) тууды мемлекеттік тіркеу туралы акт жазбасының осы бұйрықтың 1-қосымшасына сәйкес электрондық нысаны;
2) неке қиюды (ерлі-зайыпты болуды) мемлекеттік тіркеу туралы акт жазбасының осы бұйрықтың 2-қосымшасына сәйкес электрондық нысаны;
3) некені (ерлі-зайыптылықты) бұзуды мемлекеттік тіркеу туралы акт жазбасының осы бұйрықтың 3-қосымшасына сәйкес электрондық нысаны;
4) қайтыс болуды мемлекеттік тіркеу туралы акт жазбасының осы бұйрықтың 4-қосымшасына сәйкес электрондық нысаны;
5) тууды мемлекеттік тіркеу туралы акт жазбасының негізінде берілетін туу туралы куәліктің осы бұйрықтың 5-қосымшасына сәйкес электрондық нысаны;
6) неке қиюды (ерлі-зайыпты болуды) мемлекеттік тіркеу туралы акт жазбасының негізінде берілетін неке қию (ерлі-зайыптылықты) туралы куәліктің осы бұйрықтың 6-қосымшасына сәйкес электрондық нысаны;
